Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senat Tóraǵasy Ulybrıtanııa Elshisimen kezdesti

2022 jyldyń 27 qańtar 2022 22:30

NUR-SULTAN. QazAqparat - Senat Tóraǵasy Máýlen Áshimbaev Ulybrıtanııa Koroldigi men Soltústik Irlandııanyń Qazaqstan Respýblıkasyndaǵy Tótenshe jáne Ókiletti Elshisi Ketrın Lıchpen kezdesti, dep habarlaıdy QazAqparat.

Palata Spıkeri óz sózinde taıaýda Memleket basshysy Qasym-Jomart Toqaev belgilep bergen elimizdiń negizgi basymdyqtary týraly aıtty.

«El Prezıdenti Qazaqstannyń aldynda turǵan áleýmettik-ekonomıkalyq jáne qoǵamdyq-saıası baǵyttaǵy negizgi basymdyqtardy belgilep berdi. Sondaı-aq jańa Úkimet quramy men barlyq memlekettik apparatqa naqty tapsyrmalar berdi. Memleket basshysy saıası júıemizdi odan ári demokratııalandyrý qajet ekenin de atap ótti. Osy baǵyttaǵy naqty bastamalar sarapshylarmen jáne jurtshylyqpen júrgizilgen jan-jaqty dıalogtan keıin bıylǵy qyrkúıekte jarııalanady» , – dedi Máýlen Áshimbaev.




Sonymen qatar Palata Tóraǵasy Senattyń aldynda el Prezıdentiniń barlyq bastamasyn zańnamalyq turǵydan sapaly jáne ýaqtyly qamtamasyz etý úshin aýqymdy mindetter turǵanyn aıtty.

Óz kezeginde Ketrın Lıch Qazaqstan Prezıdenti aıqyndaǵan mindetterdiń mańyzdy ekenine toqtalyp, olardyń qolǵa alynǵan reformalardy jedel iske asyrýǵa baǵyttalǵanyn tilge tıek etti.

Kezdesý barysynda suhbattasýshylar jyl basynda elimizde bolǵan qaıǵyly oqıǵa da nazar aýdardy. Bul rette bolǵan jaǵdaıdy obektıvti jáne ashyq baǵalaýdyń mańyzdy ekeni aıtyldy. Palata Tóraǵasy ol úshin elimizde barlyq qajetti sharalar qabyldanǵanyn, tergeý jumystarynyń nátıjesi ashyq jarııalanyp, halyqaralyq qoǵamdastyqqa joldanatynyn jetkizdi.

Taraptar eki eldiń parlamentaralyq yntymaqtastyǵyn nyǵaıtý máselelerin de talqylady. Máýlen Áshimbaev pandemııadan keıin Qazaqstan men Ulybrıtanııa arasynda parlamentaralyq baılanystyń qarqyny tolyq qalpyna keletinine senim bildirdi. Budan basqa, ol qazaqstandyq depýtattar EQYU Parlamenttik Assambleıasy, Parlamentaralyq Odaq jáne basqa da qurylymdar aıasynda brıtanııalyq áriptesterimen kópjaqty baılanysty damytýǵa múddeli ekenin aıtty.








Basty sózder: Parlament, Senat,
Joǵary qaraı