Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senat Tóraǵasynyń orynbasary EQYU PA Bıýrosynyń otyrysyna qatysty

2022 jyldyń 25 qańtar 2022 12:02

NUR-SULTAN. QazAqparat - Senat Tóraǵasynyń orynbasary Asqar Shákirov EQYU Parlamenttik Assambleıasy Bıýrosynyń otyrysyna onlaın túrinde qatysty, dep habarlaıdy QazAqparat joǵary palatanyń baspasóz qyzmetine silteme jasap.

Parlamentshiler 24-25 aqpanda ótetin Parlamenttik Assambleıanyń qysqy otyrysyn ótkizýdiń sharttary men sıpaty, sondaı-aq 2022 jyly bolatyn saılaýdaǵy baıqaý mıssııalary týraly máselelerdi talqylap, sheshimder qabyldady.

Otyrys aıasynda aǵymdaǵy halyqaralyq máseleler, onyń ishinde Qazaqstandaǵy ahýal talqylandy.

EQYU PA Tóraǵasynyń orynbasary Asqar Shákirov elimizdegi qańtardaǵy qaıǵyly oqıǵalarǵa baılanysty mán-jaılardy egjeı-tegjeıli baıandady.

Bıýro músheleri atalǵan oqıǵalarǵa berilgen baǵamen, sondaı-aq Prezıdent Qasym-Jomart Toqaevtyń Qazaqstan Parlamentiniń tómengi palatasynda jáne otandyq bıznes ókilderiniń aldynda sóılegen sózderinde belgilegen, aldaǵy kezeńge arnalǵan áleýmettik-ekonomıkalyq jáne qoǵamdyq-saıası salalardaǵy elimizdiń negizgi basymdyqtarymen tanystyryldy.

Memleket basshysynyń qoǵamdy odan ári demokratııalandyrý, áleýmettik ádilettilikti qalpyna keltirý, azamattardy, konstıtýtsııalyq qurylys pen egemendikti tıimdi qorǵaý maqsatynda quqyq qorǵaý organdarynyń jumysyn qaıta jańartý baǵytyndaǵy strategııalyq reformalaryna erekshe nazar aýdaryldy.

Bıýro músheleri Qazaqstandaǵy oqıǵalar boıynsha aqpan aıynda EQYU Parlamenttik Assambleıasynyń depýtattary úshin onlaın brıfıng ótkizý týraly usynysty maquldady.

Eýropalyq depýtattar kóptegen adam qurbandyqtaryna ákep soqqan qaıǵyly oqıǵalarǵa baılanysty Qazaqstanǵa kóńil aıtyp, qoldaý bildirdi jáne halyqaralyq qoǵamdastyqqa nátıjeleri usynylýy tıis obektıvti tergeý júrgizýdiń mańyzdylyǵyn atap ótti.

Asqar Shákirov EQYU PA ókilderin Qazaqstanǵa saparmen kelýge shaqyrdy, onyń barysynda parlamentshiler eldegi jaǵdaımen tanysyp, tıisti máselelerdi talqylaıtyn bolady.

Bul usynys qabyldandy, osyǵan baılanysty Parlamenttik Assambleıa Tóraǵasynyń orynbasary, Ortalyq Azııa jónindegi Arnaýly ýákil Pıa Kaýma Qazaqstanǵa saparmen kelýge nıet bildirdi.


Joǵary qaraı