Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senator azyq-túlik ónimderinde ımportqa táýeldilikke qatysty pikir bildirdi

2021 jyldyń 11 maýsym 2021 11:14

NUR-SULTAN. QazAqparat – Aýyl turǵyndarynyń ómir sapasyn arttyrýǵa baǵyttalǵan mindetterdiń oryndalý kórsetkishteri júıeli sharalar qabyldaýdy talap etedi. Bul týraly senator Dúısenǵazy Mýsın málim etti, dep habarlaıdy QazAqparat tilshisi.

«Salanyń mańyzdylyǵy álemde azyq-túlikke degen suranystyń ósýine jáne pandemııaǵa baılanysty ekonomıkanyń daǵdarysy aıasynda artýda. Qaralyp otyrǵan Memlekettik baǵdarlamanyń júzege asyrylý kezeńinde agroónerkásiptik keshenniń damýyn zańnamalyq qamtamasyz etý, ony memlekettik retteý máseleleri Senat depýtattarynyń tarapynan túrli is-sharalar aıasynda qamtylyp, qoldaý tapty. Ózderińizge málim, «Agrobıznes - 2017» baǵdarlamasy men sý resýrstaryn basqarý memlekettik baǵdarlamalaryn ıntegratsııalaý negizinde ázirlengen bul qujat bir ret ózektendirilip, úsh ret ózgeris engizildi. Onyń oryndalý barysyna jasalǵan taldaý nátıjeleri alda atqarylatyn sharalardy aıqyndaý úshin mańyzdy», - dedi D. Mýsın Senattaǵy Qazaqstannyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn iske asyrý taqyrybyndaǵy Úkimet saǵatynda.

Onyń aıtýynsha, kózdelgen maqsattarǵa jetýde aıtarlyqtaı kemshilikter baıqaldy.

«Aýyl sharýashylyǵy mınıstriniń baıandamasynda salanyń negizgi makroekonomıkalyq kórsetkishteriniń oń ósý úrdisi qamtamasyz etilgeni aıtyldy. Baǵdarlama aýqymynda qoıylǵan mindetterdi iske asyrýǵa ótken 4 jylda 2 trln 494 mlrd teńge qarastyrylyp, is júzinde 66 paıyzǵa ǵana qarjylandyrylǵanmen, qaıta óńdeý ónimderiniń eksporty - 1,5 ese, aýyl sharýashylyǵy jalpy óniminiń kólemi - 1,7 ese ósip, 6,3 trln teńgeni quraǵan. Alaıda, kózdelgen maqsattarǵa, mindetter men nátıjelerge jetýde aıtarlyqtaı kemshilikter barshylyq», - dedi depýtat.

Onyń paıymynsha, salanyń ekonomıkalyq ósýi men aýyl turǵyndarynyń ómir sapasyn arttyrýǵa baǵyttalǵan mindetterdiń oryndalý kórsetkishteri júıeli sharalar qabyldaýdy talap etedi. Bul qajettilik Esep Komıtetiniń aýdıtorlyq qorytyndylarynda da atap ótilgen.

«Qabyldanǵan sharalarǵa qaramastan, aýyl sharýashylyǵy salasynyń úlesi jalpy ishki ónimniń 5-5,5 paıyzyn ǵana qurap, birqatar azyq-túlik ónimderi boıynsha ımportqa táýeldilik saqtalýda, onyń kólemi ótken jyly 4 mlrd AQSh dollarynan asqan. Sonymen qatar, aýyl sharýashylyǵy ónimderi men óńdelgen ónimdi ótkizý problemalaryn retteý, azyq-túlik baǵasyn turaqtandyrý maqsatynda saýda-logıstıka ınfraqurylymyn damytý, kóterme-taratý ortalyqtarynyń jelisin qurý týraly Baǵdarlamada josparlanǵan mindetter naqty sheshimin tappady. Osyǵan oraı, qolǵa alynyp jatqan 24 kóterme-taratý ortalyǵyn qurý, ishki naryqty otandyq azyq-túlik taýarlarymen tolyqtyrý arqyly ımportty qysqartý sharalary - óte ózekti. Bul rette, qazirgi jaǵdaı kórsetkendeı, elimiz úshin ımporttan táýelsizdik qanshama mańyzdy ekeni aıqyndaldy. Atalǵan kemshilikter el halqynyń 41 paıyzy turyp jatqan aýyldyń ahýalyn, salanyń básekege qabilettiliginiń deńgeıin kórsetip, agrarlyq sektorda júıeli problemalardyń saqtalýyn aıǵaqtaıdy», - dedi senator.


Joǵary qaraı