Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senator «Serpin-2050» baǵdarlamasynyń oryndalý barysyna alańdaýshylyq bildirdi

2021 jyldyń 2 jeltoqsan 2021 12:58

NUR-SULTAN. QazAqparat - Senator Nurjan Nursıpatov «Máńgilik el jastary - ındýstrııaǵa!» - «Serpin-2050» memlekettik baǵdarlamasynyń iske asyrylý barysyna alańdaýly, dep habarlaıdy QazAqparat tilshisi.

Depýtat Premer-Mınıstrdiń orynbasary Eraly Toǵjanovtyń atyna joldaǵan depýtattyq saýalynda atalǵan másele boıynsha jaǵdaıdy jaqsartýǵa yqpal etetin birqatar qadamdardy usyndy.

Senatordyń pikirinshe, memlekettik baǵdarlamany iske asyrý aıasynda 2014-2019 jyldary elimizdiń soltústiginde ornalasqan kolledjder men joǵary oqý oryndaryna túsýge nıet bildirýshilerdiń sany artqan. Alaıda, ótken jyly jaǵdaı túbegeıli ózgergen.

«Bilim jáne ǵylym mınıstrligi 2014 jylǵy «Ońtústik óńirlerden kelgen jastar arasynan memlekettik tapsyrysqa sáıkes tehnıkalyq jáne kásiptik bilim berý boıynsha bir mamandy daıarlaýǵa arnalǵan shyǵyndardy esepteý Tártibin bekitý týraly» buıryǵynyń kúshi joıylýyna baılanysty áleýmettik sıpattaǵy ótkir problema týyndap otyr. Buryn ońtústik óńirlerden kelgen stýdentter jyly kıim satyp alý úshin kóterme qarajatpen, oqý ornyna barý jáne keri qaıtý jolaqysy úshin tolyq kólemde ótemaqymen, ystyq tamaqpen qamtamasyz etilse, endi atalǵan buıryqtyń kúshi joıylýyna baılanysty ońtústik óńirlerden kelgen stýdentter jalpy negizde qarjylandyrylady. Osylaısha, jeńildiktiń alynyp tastalýy ońtústik óńirden kelgen túlekterdiń soltústik óńirlerdegi kolledjder men joǵary oqý oryndarynda oqýǵa degen yntasy joǵaltý sebepteriniń biri boldy. Sondyqtan 2020-2021 jyldary jańa talapkerlerdi qabyldaý júzege asyrylmady»,- dedi depýtat.

Osyǵan baılanysty senator Nurjan Nursıpatov strategııalyq mańyzy bar baǵdarlamaǵa erekshe nazar aýdarýdy surady jáne jaǵdaıdy jaqsartý úshin birqatar sharalardy usyndy. Olardyń ishinde, tıisti buıryqtyń normalaryn qalpyna keltirý, dıplom alǵan mamandardy memlekettik turǵyn úı qory esebinen turǵyn úımen qamtamasyz etý sekildi máseleler bar.


Avtor Rýslan Ǵabbasov
Basty sózder: Senat, QR Úkimeti, JOO-lar, Bilim, Qarjy,
Joǵary qaraı