Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlar memlekettik basqarý júıesin jetildirýge arnalǵan zań jobasyn qaraıdy

2021 jyldyń 25 qazan 2021 17:15

NUR-SULTAN. QazAqparat - Senat Spıkeri Máýlen Áshimbaevtiń tóraǵalyǵymen palata bıýrosynyń otyrysy ótti. Onda depýtattar 2021 jylǵy 28 qazanda ótetin Senat otyrysynyń kún tártibin bekitti, dep habarlaıdy QazAqparat.

Palatanyń aldaǵy otyrysynda senatorlar «Qazaqstan Respýblıkasynyń keıbir zańnamalyq aktilerine memlekettik basqarý deńgeıleri arasynda ókilettikterdi qaıta bólý máseleleri boıynsha ózgerister men tolyqtyrýlar engizý týraly» týraly zań jobasyn qaraıdy.

Atalǵan qujat memlekettik basqarý júıesin odan ári jetildirýdi jáne memlekettik organdardyń derbestigi men jaýapkershiligin arttyrýdy kózdeıdi. Úkimettiń birqatar qyzmetin ortalyq memlekettik organdarǵa, al ortalyq organdardyń keıbir qyzmetterin jergilikti atqarýshy organdarǵa berý usynylyp otyr.

Sonymen qatar Bıýro otyrysynda Májilisten kelip túsken «2022 – 2024 jyldarǵa arnalǵan respýblıkalyq bıýdjet týraly» jáne «Qazaqstan Respýblıkasynyń Ulttyq qorynan 2022 – 2024 jyldarǵa arnalǵan kepildendirilgen transfert týraly» zań jobalary jumys úshin Qarjy jáne bıýdjet komıtetine berildi.

«Ótken aptada bas komıtet bul zań jobalaryn tanystyrdy. Sol kezde birqatar máselege nazar aýdaryldy. Sondyqtan, depýtattar jumys tobynyń otyrystaryna belsendi qatysyp, qujatty óz salalary boıynsha jan-jaqty talqylaýy qajet. Bul Prezıdent Joldaýyn jáne ózekti áleýmettik-ekonomıkalyq máselelerdi sheshýge qatysty Memleket basshysy bergen tapsyrmalardy ýaqtyly oryndaý úshin mańyzdy», – dedi Máýlen Áshimbaev.


Basty sózder: Parlament, Zań, Senat, Máýlen Áshimbaev,
Joǵary qaraı