Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatta asharshylyq týraly derekter jınaǵynyń tórtinshi jáne besinshi tomy tanystyryldy

2021 jyldyń 6 jeltoqsan 2021 12:38

NUR-SULTAN. QazAqparat - Búgin Senatta Memleket basshysynyń tapsyrmasy boıynsha jaryq kórgen «Asharshylyq. Golod. 1928-1934 Derekti hronıka» atty kitabynyń tórtinshi jáne besinshi tomy tanystyryldy, dep habarlaıdy QazAqparat.

Aıta keteıik, bıyl mamyr aıynda Senatta atalǵan eńbektiń úsh tomdyq jınaǵy tanystyrylǵan edi.

«Qazirgi tańda Memleket basshysy Qasym-Jomart Toqaevtyń tapsyrmasymen bul baǵyttaǵy jumystar jalǵasyn taýyp keledi. Prezıdent byltyr saıası qýǵyn-súrgin qurbandaryn tolyq aqtaý týraly bastama kóterdi. Sonyń aıasynda Memlekettik komıssııa qurylyp, tıisti jumystar atqarylyp jatyr. Memleket basshysy «Táýelsizdik birinen qymbat» atty maqalasynda ótken ǵasyrdyń basyndaǵy qasiretti kezeń – asharshylyqqa da toqtalyp ótkeni belgili. Qasym-Jomart Kemeluly zobalań jyldardy jan-jaqty zertteý, asharshylyq qurbandarynyń sanyn naqtylaý, tarıhı qujattardy jınaqtap, olardy muqııat zerdeleý kerek ekenin aıtqan edi. Osyǵan oraı Senat ózderińizben birlesip, bul baǵytta biraz jumys atqardy. Atap aıtqanda, bıyl aqpan aıynda osy taqyrypqa arnalǵan «dóńgelek ústel» otyrysyn ótkizdik. Oǵan osy jerde otyrǵan kópshiligińiz qatysyp, usynystaryńyz ben pikirlerińizdi bildirdińizder. Ásirese, arhıv materıaldaryn zertteý jáne ashtyqtyń zardabyn tartqan kýágerlerdiń estelikterin jınaqtaý jóninde utymdy oılar aıtyldy», - dedi Senat tóraǵasy Máýlen Áshimbaev.

Osy oraıda ol sol is-sharanyń naqty nátıjesi retinde bıyl Saıası qýǵyn-súrgin jáne asharshylyq qurbandaryn eske alý kúni qarsańynda «Asharshylyq. Golod. 1928-1934. Derekti hronıka» atty qujattar jınaǵynyń úsh tomy jaryq kórgenin eske saldy. Prezıdent tapsyrmasy aıasynda shyǵarylǵan úsh tomdyqqa asharshylyqqa qatysty 1928-1934 jyldar aralyǵyndaǵy tarıhı qujattar men derekter jınaqtalǵan. Olar elimizdiń basyna túsken alapat qasirettiń taragedııalyq saldary týraly málimetterdi qamtıdy. Qujattar elimizdiń ortalyq jáne óńirlik arhıvterinen alyndy. Basqa memleketterdiń arhıvterinde saqtalǵan derekter de kitapqa engizildi.

«Sonyń arqasynda buryn qolǵa túsirý qıyn bolyp kelgen nemese buǵan deıin tipti jarııalanbaǵan birqatar tyń málimetter men qujattar kópshilik úshin qoljetimdi boldy. Atalǵan eńbekti tarıhshylar, zııaly qaýym ókilderi jaqsy qabyldap, jyly lebizderin bildirdi. Osy kóptomdyq sol náýbet jyldarǵa qatysty shynaıy tarıhı kózqaras qalyptastyratyn qundy eńbek bolyp sanalatyny sózsiz», - dedi Senat spıkeri.

«Búgin sol jınaqtardyń jalǵasy, ıaǵnı tórtinshi jáne besinshi tomynyń tusaýkeserine jınalyp otyrmyz. Eńbektiń tórtinshi tomynda qazaq aýyldaryn kúshtep ujymdastyrý, tárkileý saıasatyna qatysty halyqtyń narazylyǵyn kórsetetin mańyzdy materıaldar jınaqtalǵan. Al besinshi tomda kýágerlerdiń estelikteri qamtyldy. Bul tomnyń negizin asharshylyqtyń zardabyn tartqan aqyndar men jazýshylardyń, ǵalymdardyń, qoǵam qaıratkerleriniń bastan keshken oqıǵalary quraıdy. Sondaı-aq olardyń áýletteri, týǵan týystary jáne zamandastarynyń taǵdary jaıyndaǵy jazbalary da bar», - dedi Máýlen Áshimbaev.


Joǵary qaraı