Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senatta zeınetaqy jınaǵynyń eń tómengi jetkilikti mejesin anyqtaý ádistemesi talqylandy

2021 jyldyń 21 jeltoqsan 2021 16:25

NUR-SULTAN. QazAqparat - Senatorlar zeınetaqy jınaǵynyń eń tómengi jetkilikti shegin anyqtaý ádistemesin talqylady. Kezdesýge Eńbek jáne halyqty áleýmettik qorǵaý mınıstrliginiń, «BJZQ» AQ jáne ózge de uıymdardyń ókilderi shaqyryldy, dep habarlaıdy QazAqparat.

Senattyń Qarjy jáne bıýdjet komıtetiniń tóraǵasy Olga Perepechına sharany asha kelip, elimiz Prezıdentiniń azamattarǵa zeınetaqy jınaqtarynyń bir bóligin paıdalanýǵa quqyq berý jónindegi bastamasy jurtshylyq tarapynan oń qabyldanǵanyn atap ótti.

Bul reforma jaldamaly qyzmetkerlerdiń jalaqylaryn jaryqqa shyǵarýǵa túrtki boldy, qurylys jáne oǵan baılanysty salalarǵa serpin berdi, degenmen bul turǵyn úı baǵasynyń ósýine áser etti, dep atap ótti senator.

«Senatorlardy zeınetaqy jınaǵynyń bir bóligin alyp qoıý múmkindigi máselesi árqashan tolǵandyryp keledi, óıtkeni ol bizdiń otandastarymyzdyń eleýli bóligi úshin asa mańyzdy. Depýtattar korpýsy úshin qyzmet barysynda otandastarymyzdyń áleýmettik ál-aýqaty árdaıym basty orynda jáne bolashaqta da osy qaǵıdattardy ustanady», - dep atap ótti Olga Perepechına.

Kezdesýdiń negizgi maqsaty – zeınetaqy jınaqtarynyń jetkiliktiliginiń eń tómengi shegin ulǵaıtý yqtımaldyǵyna baılanysty jaǵdaıdy túsindirý bolyp otyr.

Depýtattar Eń tómengi jetkiliktilik shegin anyqtaý ádistemesiniń jumys qaǵıdalaryn túsindirý maqsatynda sarapshylarǵa saýal qoıyp otyr.

Ol týraly Eńbek jáne halyqty áleýmettik qorǵaý mınıstriniń orynbasary senatorlarǵa aıtyp berdi, al «BJZQ» AQ basshysy zeınetaqy jınaqtarynyń bir bóligin paıdalanýdyń qordyń zeınetaqymen qamsyzdandyrý jónindegi mindetterin júzege asyrýǵa yqtımal áseri týraly habardar etti.


Joǵary qaraı