Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Senbe jurtqa, tursa da qansha maqtap: Brıtan jazýshysy Abaıdyń óleńin jatqa oqydy

2020 jyldyń 2 tamyz 2020 01:21

NUR-SULTAN. QazAqparat - Ulybrıtanııalyq jazýshy, redaktor, joba menedjeri, tarıh jáne bilim berý isiniń mamany, trener, Colourblue kompanııasynyń dırektory Krıs Maknab Abaıdyń 175 jyldyq mereıtoıyna oraılastyrylǵan chellendjge ún qosty, dep habarlaıdy QazAqparat.

Jazýshynyń vıdeosyn Qazaqstannyń Ulybrıtanııadaǵy elshiligi Twitter paraqshasynda jarııalady.

«Biz Abaı óleńderin oqý estafetasyn qýana qoldap otyrmyz. 10 tamyz - uly aqynnyń týǵan kúni qarsańynda kún saıyn Abaı óleńderinen úzindi oqyǵan brıtandyq jáne ırlandııalyq dostarymyzdyń vıdeosyn jarııalap otyramyz» dep jazady Qazaqstan elshiligi.

Aqyn shyǵarmalaryn aǵylshyn tiline brıtan aqyny, synshy, dramatýrg, Tomas Elıot syılyǵynyń laýreaty, professor Shon O'Braıen aýdarǵan. Bul jyr joldary jyl sońyna deıin tarıhta birinshi ret bir tomdyq kitap bolyp jaryq kóredi.

«Men 2013 jyldan beri Qazaqstandaǵy oqýlyqtardy jetildirý isine jáne basqa da qyzyqty jobalarǵa belsene atsalysyp júrmin. Qazaqstandy jáne onyń halqyn erekshe jaqsy kóremin. Men qazir Abaıdyń maqtangershilik týraly óleńinen úzindi oqyp beremin» deıdi Krıs Maknab vıdeoǵa kirispesinde.

Ol Abaıdyń «Senbe jurtqa, tursa da qansha maqtap» óleńinen eki shýmaqty jatqa aıtyp berdi.






Avtor Janat Qapalbaeva
Basty sózder: #Abai175, Vıdeo, Eýropa,
Joǵary qaraı