Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senbi kúni aýa raıy qandaı bolady

2021 jyldyń 23 qazan 2021 01:31

NUR-SULTAN. QazAqparat - Qazgıdromet 23 qazanǵa arnalǵan aýa raıy boljamyn jarııalady, dep habarlaıdy QazAqparat.

Respýblıkamyzdyń basym bóligi frontaldy aımaqta bolýyna baılanysty, qubylmaly aýa raıy kútiledi. Jaýyn-shashyn, tuman, kóktaıǵaq, jaıaý burqasyn kútilip, tek ońtústik jáne ońtústik-batys óńirler joǵary qysym yqpalynda bolǵandyqtan, jaýyn-shashyn bolmaıdy.

Aqmola oblysynda jeldiń kúshi 15-20 m/s, oblystyń soltústiginde, shyǵysynda ekpini 23-28 m/s, keıde ýaqytta 30 m/s joǵary bolady. Túnde oblystyń soltústiginde, shyǵysynda jaıaý burqasyn, kóktaıǵaq boljanady. Soltústik Qazaqstan oblysynda jel 15-20 m/s, ekpini 23-28 m /s, túnde soltústikte, batysta - kóktaıǵaq, jaıaý burqasyn kútiledi. Qostanaı, Pavlodar oblystarynda jel 15-23 m/s kúsheıýi kútiledi, Qostanaı oblysynyń soltústiginde tuman túsedi.

Qaraǵandy oblysynyń batysynda, soltústiginde, ortalyǵynda jeldiń 15-23 m/s kúsheıýi, túnde batysta, kúndiz soltústikte, shyǵysta - kóktaıǵaq, jaıaý burqasyn bolady. Shyǵys Qazaqstan oblysynyń batys bóligi men taýly aýdandarynda jel 15-23 m/s kúsheıip, oblystyń soltústiginde tuman, kóktaıǵaq bolady.

Almaty oblysynyń taýly aýdandary men Alakól kólderiniń mańynda jeldiń 15-20 m/s kúsheıýi, tańerteń jáne kúndiz oblystyń ońtústigi men shyǵysynda - tuman kútiledi.

Aqtóbe oblysynyń shyǵysynda, túnde Mańǵystaý oblysynyń soltústik-batysynda, kúndiz Batys Qazaqstan oblysynyń shyǵysynda jeldiń 15-20 m/s kúsheıýi kútiledi. Túnde jáne tańerteń Atyraý oblysynyń basym bóliginde, Qyzylorda oblysynyń soltústiginde tuman kútiledi.

Jambyl oblysynyń taýly aýdandarynda tuman, kóktaıǵaq boljanady.


Basty sózder: Qazgıdromet, Aýa raıy,
Joǵary qaraı