Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Serdar Berdimuhamedov Túrikmenstan Prezıdenti qyzmetine kiristi

2022 jyldyń 19 naýryz 2022 22:30

AShHABAD. QazAqparat – Búgin Túrikmenstan astanasynda jańa saılanǵan Túrikmenstan prezıdenti Serdar Berdimuhamedovty ulyqtaý rásimi ótti, dep habarlaıdy QazAqparat «Túrikmenstan búgin» memlekettik aqparat agenttigine silteme jasap.

Saltanatty rásim Rýhyet saraıynda ótti. Sharaǵa el Parlamentiniń qos palatasynyń depýtattary, Úkimet músheleri, áskerı jáne quqyq qorǵaý vedomstvolarynyń, Ortalyq saılaý komıssııasy men qoǵam ókilderi jáne ózge de shaqyrylǵandar qatysty.

Aıta keteıik, Túrikmenstanda kezekten tys Prezıdent saılaýy 12 naýryz kúni ótti. Saılaýǵa 3 saıası partııa men 6 bastamashy toptan 9 kandıdat qatysty. Ortalyq saılaý komıssııasynyń málimetteri boıynsha, el Prezıdenti laýazymyna saılaýshylardyń 72,97% paıyz daýsyn alǵan Túrikmenstan Premer-Mınıstriniń orynbasary Serdar Berdimuhamedov saılandy.

Serdar Berdimuhamedov óziniń prezıdenttik laýazymyn óz erkimen tapsyrǵan eldiń burynǵy prezıdenti Gýrbangýly Berdimuhamedovtyń balasy.


Mádıbek Jánibekov


Perevod Aıdar Ospanalıev
Basty sózder: Álem, Túrikmenstan, Saılaý,
Joǵary qaraı