Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Sergek» baǵany elorda turǵynynyń ústine qulap ketti

2021 jyldyń 27 qazan 2021 10:45

NUR-SULTAN. QazAqparat – Elorda turǵyny áleýmettik jelide «Sergek» beınebaqylaý júıesiniń baǵany ústine qulap, aıaǵyn jaraqattaǵanyn aıtyp shaǵymdandy, dep habarlaıdy QazAqparat tilshisi.

Bul jaıynda qala turǵyny Instagram jelisindegi pablıkterdiń birinde jazdy.

«Syǵanaq kóshesi, 11 mekenjaıynda, «Sunrise» turǵyn úı keshenine taqaý mańda saǵat 13:20-da baǵdarshamdy kútip turǵanymda «Sergek» baǵany qulady. Abyroı bolǵanda bir qadam artqa sheginip úlgerdim. Áıtpese basyma qular edi. Kimge shaǵymdanýǵa bolady? Ólimge bir qadam ǵana qaldym», - dep jazdy elordalyq áıel.

Sonymen qatar ol baǵanadan zardap shekken aıaǵynyń gıpspen oralǵan sýretin kórsetti jáne óziniń jumyssyz qalǵanyn atap ótti.

Bul shaǵymǵa qalalyq polıtsııa departamenti jaýap berdi.

«Osy jyldyń 23 qazanynda Syǵanaq kóshesi boıynda «Sunrise» turǵyn úı keshenine qarama-qarsy jerde joldan ótpek bolǵan 45 jastaǵy áıel «Sergek» kameralary ilingen metall baǵannyń qulaýy saldarynan aıaǵyn jaraqattap aldy. Atalǵan fakti boıynsha Esil aýdandyq polıtsııa basqarmasy QR Qylmystyq kodeksiniń 306-babymen sotqa deıingi tergeýdi bastady, tekserý júrip jatyr»,- dedi polıtsııa departamentiniń baspasóz qyzmetinen.


Avtor Marlan Jıembaı
Basty sózder: Oqıǵa, Nur-Sultan,
Joǵary qaraı