Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Serik Shápkenov Mańǵystaýdaǵy eńbek daýlaryn azaıtý joldaryn atady

2021 jyldyń 5 qazan 2021 12:36

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Serik Shápkenov Úkimet otyrysynda Mańǵystaýdaǵy eńbek daýlaryn azaıtýdyń joldaryn atady, dep habarlaıdy QazAqparat tilshisi.

«Eńbek qatynastaryna qatysty óńirde 11 myń belsendi kásiporyn jumys isteıdi. Jaldamaly jumyskerlerdiń sany – 291 myń adam. Óńirdegi ortasha jalaqy – 353 myń teńge. Aýtstaffıng boıynsha qyzmet kórsetetin kásiporyndarǵa monıtorıng júrgizildi. Óńirde osyndaı 44 kásiporyn bar. Onda 25 myń qyzmetker jumys istep jatyr. Jyl basynan beri oblys boıynsha 22 eńbek janjaly tirkelgen», - deıdi mınıstr.

Onyń aıtýynsha, jumyskerler qoıatyn negizgi talaptar - munaı-servıstik kásiporyndarda jalaqy deńgeıin kóterý jáne eńbek jaǵdaılaryn jaqsartý máselelerin qamtıdy.

«Bul ýaqytta keshendi jospar sheńberinde mınıstrlik «Samuryq-Qazynamen» birlesip, merdigerge beriletin tapsyrys kólemin 25 paıyzdan aspaıtyn mólsherde shekteý, konkýrsqa qatysatyn kompanııalarǵa qoıylatyn biliktilik talaptaryn qataıtý, konkýrs ótkizý kezinde joǵary jalaqy tóleıtin fırmalarǵa qosymsha jeńildikter berý sııaqty sharalardy qarastyrady», - degen vedomstvo basshysy 2025 jylǵa qaraı óńirde eńbek qatynasyndaǵy zańsyzdyqtardyń 20 paıyzǵa deıin azaıatynyna sendirdi.

«Sonymen qatar, kásiporyndar, onyń ishinde aýtstaffıngke qyzmetker usynatyn kásiporyndarda eńbek zańnamasyn saqtaýǵa, jalaqy men eńbek jaǵdaılarynda sáıkessizdikke jol bermeýge baqylaý qamtamasyz etiletin bolady. Qabyldanǵan sharalardyń nátıjesinde 2025 jyldyń sońyna deıin eńbek janjaldarynyń sanyn azaıtýǵa, anyqtalǵan zańsyzdyqtardyń úles sanyn 20 paıyzǵa deıin tómendetýge múmkindik beredi», - dedi Serik Shápkenov.


Joǵary qaraı