Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Serik Shápkenov Memleket basshysyna zeınetaqy júıesin jańǵyrtý týraly aıtty

2021 jyldyń 27 jeltoqsan 2021 17:56

NUR-SULTAN. QazAqparat - Memleket basshysy Qasym-Jomart Toqaev Eńbek jáne halyqty áleýmettik qorǵaý mınıstri Serik Shápkenovti qabyldady, dep habarlaıdy Aqorda.

Prezıdentke mınıstrliktiń bıylǵy atqarǵan jumystarynyń qorytyndylary jáne Joldaýda aıtylǵan máselelerdiń júzege asyrylý barysy týraly esep berildi. Atap aıtqanda, jańa jyldan bastap tómengi jalaqy deńgeıi 60 myń teńgege deıin jetkeni jáne taǵy 591 myń azamattyq qyzmetkerdiń jalaqysy ósetini jóninde aıtyldy.

Sonymen qatar mınıstr jumyssyzdyqpen kúres baǵytyna da toqtaldy. Qazirgi ýaqytta jumyssyzdyq deńgeıi 4,9 paıyzdy qurap otyr.

Serik Shápkenov jumyspen qamtý ortalyqtaryn tsıfrlandyrý boıynsha málimet berdi. Onyń aıtýynsha, jumys izdegen azamattardyń 33 paıyzy onlaın qyzmet túrin paıdalanǵan, 26 myń járdemaqy elektrondy túrde rásimdelgen. Sondaı-aq bıyl 988,8 myń adam ataýly áleýmettik kómek alǵan.

Budan bólek Memleket basshysyna mınıstrliktiń aldaǵy ýaqytta atqaratyn jumystary týraly baıandaldy. Sonyń ishinde Serik Shápkenov Áleýmettik kodeks ázirleý, zeınetaqy júıesin jańǵyrtý, kásibı biliktilikti arttyrý týraly zań jobasyn jáne 2022-2026 jyldarǵa arnalǵan kóshi-qon saıasaty tujyrymdamasynyń jobasyn daıyndaý sııaqty negizgi tórt baǵytty atap ótti.

Qasym-Jomart Toqaev mınıstrge osy baǵyttaǵy jumystardy júıeli túrde jalǵastyrýdy tapsyrdy.



Joǵary qaraı