Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Serikbaı Trumov Senat depýtaty retinde ant berdi

2021 jyldyń 16 qyrkúıek 2021 09:17

NUR-SULTAN. QazAqparat – QR Parlamenti Senatynyń depýtaty Serikbaı Ótelgenuly Trumov Qazaqstan halqy aldynda ant berdi, dep habarlaıdy QazAqparat tilshisi.

«Ózderińizge belgili, Memleket basshysynyń jarlyǵymen Serikbaı Trumov Senat depýtaty bolyp taǵaıyndaldy. Ol jumysshydan bastalǵan eńbek jolynda Mańǵystaý oblystyq máslıhatynyń hatshysy, sondaı-aq qala ári oblys ákimi sııaqty jaýapty qyzmetterdi atqaryp, týǵan óńiriniń ósip órkendeýine zor eńbegin sińirdi. Endi, bizdiń qatarymyzǵa qosylyp otyr», - dedi Senat tóraǵasy Máýlen Áshimbaev.

Osy oraıda S.Trumov depýtat retinde ant berdi.

«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterdi adal atqarýǵa ant etemin», - dedi ol.

Jalpy otyrys barysynda palata depýtattary S. Trumovty Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń quramyna saılady.

Budan buryn habarlanǵandaı, Memleket basshysynyń Jarlyǵymen Serikbaı Trumov Senat depýtaty bolyp taǵaıyndaldy.



Avtor Rýslan Ǵabbasov
Basty sózder: Senat,
Joǵary qaraı