Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shaǵantoǵaı petroglıfteri ejelgi túrkilerdiń tasqa basqan tańbasy - Sheteldegi qazaq tildi BAQ-qa sholý

2021 jyldyń 13 maýsym 2021 11:30

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Shaǵantoǵaı petroglıfteri ejelgi túrkilerdiń tasqa basqan tańbasy - CNR




Qytaıdyń Tarbaǵataı aımaǵynyń Shaǵantoǵaı aýdany ejelgi zamannyń tarıhı-mádenı qundylyqtaryna baı óńir, sonyń ishinde kóp kezdesetin ejelgi jartas sýretteri kórkem galereıany quraıdy, dep jazady qytaılyq kazakcnr.com saıty.

Atalǵan BAQ-tyń jazýynsha, sońǵy ýaqyttarda Shaǵantoǵaı ejelgi petroglıfteri tarıh, arheologııa jáne óner salalary boıynsha mamandardyń nazaryn kóbirek aýdaryp júr. Bul ashyq aspan astyndaǵy óner murajaıyndaǵy jartas sýretteriniń mazmuny ań aýlaý, mal jaıý, bıleý, dinı ǵuryptar jáne úı janýarlary men jabaıy ańdardyń beınesi bolyp keledi. Petroglıftegi beıneler tabıǵatty, halyq tirshiligin anyq kórsetip bergen. Olar kórkemdik turǵydan da óreli týyndylar bolyp sanalady.







«Shaǵantoǵaı aýdanynda ejelgi jartas sýretteri kóp kezdesedi. Olar Churchut jartas sýreti, Qarashoqy jartas sýreti, Qyzyltasbulaq jartas sýreti, Barlyq taýy jartas sýreti jáne jurtqa keń tanylǵan Bardaqul ejelgi jartas sýretteri dep atalyp júr. Teńiz deńgeıinen 816 metr bıiktikte ornalasqan osy petroglıfterdi zerttegen mamandar bul jartas sýretterin ejelgi túrkilerdiń 3500 jyldan burynǵy tasqa basqan tańbasy dep tanyǵan. Petroglıftegi beıneler halyq tirshiligin anyq kórsetedi. Al osy ejelgi dáýirdiń qundy murasy 2003 jyly memlekettiń materıaldy emes mádenı muralary qataryna qosylyp, tarıhı-týrıstik nysan bolyp belgilenip, qorǵaýǵa alynǵan», -dep jazady CNR saıty.





ÁCh-2022 irikteý: Ózbekstan quramasy Sıngapýrdy iri eseppen jeńdi - «ÓzA» aqparattyq agenttigi




Fýtboldan 2022 jyly Qatarda ótetin Álem chempıonatyna irikteý oıyndary aıasynda Ózbekstan quramasy Sıngapýrdy iri eseppen jeńip, úsh upaıǵa ıe boldy, dep jazady Ózbekstannyń «ÓzA» agenttigi.

«Oıynnyń alǵashqy bóliginde Ózbekstan quramasynyń BAÁ klýbynda dop tebetin Jalolıddın Masharıpov Sıngapýr qaqpasyna eki gol soqty jáne taım sońyna qaraı Italııa A serııasyndaǵy «Djenoa» klýbynyń shabýylshysy Eldor Shamýradov esepti 3:0 qalpyna jetkizdi. Ekinshi taımda qazirgi kezde qytaılyq klýbta oınaıtyn Adıl Ahmedov tórtinshi goldy soqty. Al qarsylas komandanyń shabýylshysy Irfon Fandı óz qaqpasyna soǵylǵan besinshi goldyń avtory atandy. Osylaısha kezdesý 5:0 esebinde Ózbekstan quramasynyń jeńisimen aıaqtaldy. Qazirgi ýaqytta «D» tobynda Saýd Arabııasy kósh bastap keledi – 14 upaı. Al Ózbekstan quramasy 6 oıyn qorytyndysy boıynsha 12 upaıǵa ıe», -dep jazady «ÓzA» aqparattyq agenttigi.





«Qyz qýý» materıaldy emes mádenı mura qataryna qosyldy -«Jenmın jıbao» (People Daily)

Shynjań ólkesiniń 14 mádenı murasy Qytaıdyń 5-shi toptaǵy memlekettik materıaldy emes mádenı muralar tizimine engizildi, dep jazady qytaılyq kazakh.people.com saıty.

Atalǵan BAQ-tyń jazýynsha, Qytaıdyń Memlekettik keńesi 5 -shi toptaǵy memlekettik materıaldy emes mádenı muralar tiziminiń jańartylǵan nusqasyna 31 ólke men Gonkong, Makao sekildi jerlerden 325 mádenı mura qosylǵan. Bulardyń ishinde qazaq, orys, tatar, uıǵyr, mońǵol, sibe sekildi Qytaıdaǵy 7 sany az ulttardan 8 mádenı mura tańdalǵan. Qazirge deıin Memlekettik keńes 1557 túrli memlekettik materıaldy emes mádenı murany tirkeýge alǵan.

«Shynjańnan memlekettik materıaldy emes mádenı muralar qataryna Sháýeshek qalasyndaǵy orys ultynyń halyq bıi, Qulja qalasyndaǵy orys ultynyń Baıan mýzykalyq aspaby, Shińgil aýdanynyń qyz qýýy (qazaq ultynyń dəstúrli oıyny), Kerııa aýdanynyń ımek taıaqty doby (uıǵyr ultynyń ımek taıaqty doby), Moryı Qazaq avtonomııaly aýdanyndaǵy qazaq ultynyń keste óneri, Uıǵyr emshiligi (hotan dári shaı jasaý óneri), tatar ultynyń dástúrli bal baýyrsaq jasaý óneri, maqal-mátel (qazaq ultynyń maqal-máteli), Mońǵol ultynyń halyq áni (Arasan aýdanyndaǵy mońǵol ultynyń qysqa qaıyratyn halyq áni), dástúrli sadaq atý óneri (sibe ultynyń), dástúrli mys quraldaryn jasaý óneri (Qashqar aımaǵyndaǵy uıǵyr ultynyń mys quraldaryn jasaý óneri) sekildi mádenı muralar engen», - dep jazady People Daily.


Vaktsına qabyldaǵan Mońǵolııa azamattary Qazaqstanǵa emin-erkin kire alady - KAZNEWS




12 maýsymnan bastap Vengrııa, Taıland, Mońǵolııada vaktsına alǵandar Qazaqstanǵa emin-erkin kire alady, dep jazady Mońǵolııanyń Kaznews aqparattyq portaly.

«QR-nyń Memlekettik bas sanıtarlyq dárigeriniń qaýlysyna sáıkes, Qazaqstan Respýblıkasynyń aýmaǵynda Vengrııa, Taıland jáne Mońǵolııa azamattarynyń qolyndaǵy vaktsınalaý týraly pasporttyń, sertıfıkattyń, anyqtamanyń kúshi bar dep tanylsyn», delingen senbide jarııalanǵan qaýlyda.Osylaısha, kóliktegi sanıtarlyq-epıdemıologııalyq baqylaý komıtetiniń aýmaqtaǵy departamentteri, memlekettik kirister organdarynyń qurylymdyq bólimsheleri Qazaqstan shekarasynan Vengrııa, Taıland pen Mońǵolııa azamattaryn esh kedergisiz ótkizedi. Atalǵan memleketterden kelgen azamattardyń qolynda tıisti qujaty bolýy kerek», - dep jazdy Kaznews.


Alanııada Abaı saıabaǵy ashyldy - TRT




12 maýsym kúni Túrkııanyń Antalııa qalasyna qarasty Alanııa aýdanynda qazaqtyń uly aqyny, kompozıtory, oıshyly Abaı atyndaǵy saıabaq jáne eskertkish ashyldy, dep habarlaıdy Túrkııa Radıo Televızııa portaly.

«Saıabaqtyń ashylý saltanatyna Qazaqstannyń Túrkııadaǵy ókiletti jáne tótenshe elshisi Abzal Saparbekuly, Alanııa aýdanynyń ákimi Adem Mýrat ıÝdjel, Qazaqstannyń Alanııadaǵy Qurmetti konsýly Ahmet Djebedjı, Qazaqstannyń Antalııadaǵy konsýly Máýlen Ybraıkýlov jáne jergilikti qazaq dıasporasy, qonaqtar men BAQ ókilderi qatysty», -dep jazady TRT.




Avtor Baqytjol Kákesh
Basty sózder: Qoǵam, BAQ,
Joǵary qaraı