Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shaǵyn jáne orta bıznesti tekserý nelikten qaıta engiziledi

2021 jyldyń 8 qyrkúıek 2021 13:44

NUR-SULTAN. QazAqparat – QR QM Memlekettik kirister komıteti tóraǵasynyń orynbasary Jaıdar Іńkárbaev shaǵyn jáne orta bıznesti tekserý nelikten qaıta qolǵa alynatyndyǵyn túsindirdi, dep habarlaıdy QazAqparat tilshisi.

«Jappaı tekserý júrgizgeli otyrǵan joqpyz. Muny barynsha qashyqtan, saraptamalyq derekterdi paıdalaný arqyly júrgizýge tyrysamyz. Aıtalyq, elektrondy shot-faktýra júıemiz naqty jeke kásipkerlikke qansha taýar jóneltilgenin qadaǵalaýǵa múmkindik beredi. Eger, onda aı saıyn, kún saıyn úlken somaǵa taýar jóneltilse, onda biz muny elektrondy shot-faktýradan kórip otyramyz. Buǵan qosa, ol eshqandaı kirisin kórsetpese, onda júıemiz táýekeldi, ıaǵnı, atalǵan jeke kásipkerliktiń zalyq zańnamasyn buzýy múmkin ekendigin kórsetedi», - dedi ol Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Onyń atap ótýinshe, qalaı bolǵanda da jeke kásipkerlikke mundaı jaıttyń oryn alý sebebin túsindirýge múmkindik beriledi.

«Mynadaı bir mysal keltire keteıin. Halyq tutynatyn taýarlardy, aıtalyq kıim-keshek satyp alatyndaı kórinetin, biraq azyq-túlik satatyn kompanııalar bar. Uzaq ýaqyt boıy, toqsannan toqsanǵa, jyldan jylǵa osylaı jalǵasa beredi. Bul debettik salda alý syzbasy baıqalady. Biraq, biz baryp, kóre almaımyz. Olar halyq tutynatyn qandaı taýar qalǵanyn aıtady. ıAǵnı, aldaǵy ýaqytta anyq buzýshylyq baıqalatyn bolsa, onda ony óz betinshe joıýǵa múmkindik beremiz. Sodan keıin ǵana tekserýge bastamashylyq jasaımyz», - dedi Jaıdar Іńkárbaev.

Aıta keteıik, taıaýda ótken Úkimet otyrysynda QR Qarjy mınıstri Erulan Jamaýbaev mıkro jáne shaǵyn bıznes sýbektilerin tekserýge moratorııdi alyp tastaýdy usynǵan edi.



Joǵary qaraı