Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Shal aqyn aýdanyna jańa ákim taǵaıyndaldy - SQO

2020 jyldyń 3 shilde 2020 12:55

PETROPAVL. QazAqparat – Soltústik Qazaqstan oblysyndaǵy Shal aqyn aýdanyn búginnen bastap Rahat Smaǵulov basqarady. Jańa ákimdi óńir basshysy Qumar Aqsaqalov aýdan aktıvine tanystyrdy, dep habarlaıdy QazAqparat tilshisi.

Rahat Nazymbekuly Smaǵulov - Reseıdiń Omby oblysynyń týmasy. 1982 jyly Esilkól aýdanyndaǵy Qasqat eldimekeninde dúnıege kelgen.

Omby memlekettik agrarlyq ýnıversıtetin «agronomııa» mamandyǵy boıynsha bitirgen.

Eńbek jolyn 2004 jyly týǵan aýylynda - Qasqat selolyq ákimshiliginde maman bolyp bastady.

2005-2015 jyldar aralyǵynda oblystyń aýyl sharýashylyǵy salasynda jergilikti atqarýshy bılik organdarynda túrli qyzmetter atqardy.

2015-2019 jyldary M. Jumabaev aýdany ákiminiń orynbasary boldy.

Osy taǵaıyndalýǵa deıin Qazaqstan Respýblıkasy Aýyl sharýashylyǵy mınıstrliginiń agroónerkásip komıtetiniń oblystyq aýmaqtyq ınspektsııasynyń jetekshisi laýazymynda boldy.

Búgin Qumar Aqsaqalov sondaı-aq, Ýálıhanov aýdanynda bolyp, aýdan aktıvine jańa ákimdi tanystyrdy.


Joǵary qaraı