Aýa raıy
Astana 6 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

Shamalǵandaǵy apat: Avtobýs júrgizýshisi esikti ashpaı qoıdy – kýáger

2019 jyldyń 16 qyrkúıek 2019 00:07

TALDYQORǴAN. QazAqparat - Almaty oblysyndaǵy Shamalǵan stansasynda bolǵan apattyń qalaı bolǵanyn jolaýshylardyń biri aıtyp berdi, dep habarlaıdy QazAqparat «Almaty» telearnasyna silteme jasap.

«Barlyǵymyz shýladyq, esikti ash dep shyryldadyq. Kózi baılanyp qaldy. Qudaı kórip tur. Poıyz kele jatyr. Bárimiz ishindemiz, shyryldadyq. Esikti ashpady. Men artynda otyrdym. Avtobýs adamǵa toly boldy. Kóliktiń aldynda da, artynda da keptelis boldy. Ol jerde shynymen shyǵatyn jer joq. Avtobýs júrgizýshisi esikti ashpaı otyrdy. Endi ol qaıtys boldy. Biraq shyny kerek, onyń kózi baılandy. Myna jerge kópir kerek. Men Jambyl aýylynan vokzalǵa bara jatqanmyn. Qaskeleń jaqtan kele jatqanmyn. Bizge kópir kerek bul jerge. Ómiri kópir salamyz deıdi, salmaıdy», dedi ózin kýáger, ári avtobýstyń ishinde bolǵan jolaýshynyń birimin dep tanystyrǵan Qaıratbek Qaldyqulov.

Esterińizge sala keteıik, búgin 19:30 mınýtta Shamalǵan stantsııasynda poıyz ben avtobýs soqtyǵysty. Aldyn ala boljam boıynsha, avtobýs temir joldyń relsine shyǵyp ketken.

Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bóliminde jatyr. Onyń ekeýi bala.

Qazir atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrip jatyr. Іstiń tergelýin Bas kóliktik prokýratýra óz baqylaýyna aldy.

QR Prezıdenti Qasym-Jomart Toqaev Aqseńgir-Shamalǵan temirjol ótkelinde poezd ben avtobýs soqtyǵysynan japa shekkenderdiń týǵan-týystaryna kóńil aıtty.






Avtor Samal Qabysheva
Basty sózder: Kólik, Oqıǵa, Almaty oblysy,
Joǵary qaraı