Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Shamalǵandaǵy apat: Balalar áli de aýyr halde

2019 jyldyń 20 qyrkúıek 2019 12:14

ALMATY. QazAqparat – Almaty oblysynyń Shamalǵan stansasynda poıyz ben avtobýstyń soqtyǵysýynan zardap shekken balalar áli de aýyr halde jatyr. Bul týraly almatylyq dárigerler málim etti, dep habarlaıdy QazAqparat tilshisi.

3 jáne 5 jastaǵy qyzdar Almatydaǵy «Balalar shuǵyl medıtsınalyq járdem ortalyǵy» MKK-ǵa jetkizilgen bolatyn.

«Qazir balalardyń jaǵdaıy óte aýyr. Olar jasandy tynys alý apparatyna qosylǵan. Emdeý sharalary tolyq júzege asyrylyp jatyr», - dedi ortalyq dárigerleri.

Al anasy Almaty qalasyndaǵy №7 aýrýhanada jatyr. Búgin ol jansaqtaý bóliminen bólimshege aýystyryldy.

«Áıeldiń birneshe jerinen súıegi synǵan. Mıy shaıqalǵan. Jaǵdaıy «ortasha» dep baǵalanyp otyr. Ony qazir otaǵa daıyndap jatyrmyz», - dedi medıtsına mamandary.

Oqıǵa 15 qyrkúıek kúni boldy. Keshki saǵat 19:30-da Shamalǵan stansasynda jolaýshylar poıyzy men avtobýs soqtyǵysty.

Avtobýs temirjol ótkeliniń ústinde turǵan. Oqıǵa ornynda avtobýs júrgizýshisi mert boldy. Taǵy 3 adam Qarasaı aýdandyq aýrýhanasynyń jansaqtaý bólimine tústi. Olar – anasy men eki qyzy.

Qazir atalǵan fakti boıynsha QR QK 345-babynyń 3-bóligi boıynsha is qozǵalyp, tergeý júrip jatyr. Іstiń tergelýin Bas kóliktik prokýratýra óz baqylaýyna aldy.

QR Prezıdenti Qasym-Jomart Toqaev japa shekkenderdiń týǵan-týystaryna kóńil aıtty.


Joǵary qaraı