Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Shamalǵandaǵy apat: Balalar komada jatyr, bireýine operatsııa jasaldy

2019 jyldyń 21 qyrkúıek 2019 15:39

ALMATY. QazAqparat - Almaty qalalyq balalar shuǵyl medıtsınalyq járdem ortalyǵy bas dárigeriniń orynbasary Dinmuhamed Rýzýddınov Shamalǵandaǵy poıyz ben avtobýstyń soǵysýy saldaryna zardap shekken úsh jáne tórt jasar qyzdardyń jaǵdaıy týraly aıtyp berdi, dep habarlaıdy QazAqparat tilshisi.

«Ekeýi de aýyr bas súıek-mı jarasyn, bas mıy jaraqatyn alǵan. Bes jasar qyzdyń mańdaı-samaı súıekteri synǵan. 15 qyrkúıek kúni oǵan Qaskeleń aýrýhanasynda bas súıekti trepanatsııalaý otasy jasaldy. Ekinshi balaǵa ota jasalǵan joq. Qazirgi tańda ekeýiniń de ókpesi jasandy jolmen aýa almastyryp jatyr. Jaǵdaılary asa aýyr. Jasy úlken qyzdyń oń jaq ıyǵynyń súıegi ornynan qozǵalyp, synyp ketken. Balalar es-tússiz jatyr», - dedi Dinmuhamed Rýzýddınov.

Onyń aıtýynsha, qyzdar Almaty qalalyq shuǵyl medıtsınalyq járdem ortalyǵyna 19 qyrkúıekte jetkizilgen.

«Bizdiń ortalyǵymyz arnaıy mamandandyrylǵan. Bul jer olarǵa qolaıly ári jaqsy bolady dep oılaımyn», - dedi ol.

Buǵan deıin qyzdardyń anasy №7 qalalyq klınıkalyq aýrýhanaǵa jetkizilgeni týraly habarlanǵan edi. Ony otaǵa daıyndap jatyr.

Esterińizge sala keteıik, 15 qyrkúıek kúni Shamalǵan stantsııasynda poıyz ben avtobýs soqtyǵysty. Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bólimine tústi. Atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrgizilip jatyr. Іstiń tergelýin Bas kóliktik prokýratýra baqylaýyna aldy. QR Prezıdenti Qasym-Jomart Toqaev poıyz ben avtobýs soqtyǵysynan zardap shekkenderdiń týǵan-týystarynakóńil aıtty.



Joǵary qaraı