Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shańdy daýylda dalaǵa qonǵan ushaqta júrek talmasy bar áıel bolǵan

2021 jyldyń 28 shilde 2021 12:12

AQTAÝ. QazAqparat – Mańǵystaý oblysyndaǵy shańdy daýyl kezinde dalaǵa qonýǵa májbúr bolǵan ushaqta júrek talmasy dıagnozymen Aqtaýǵa ákele jatqan áıel bolǵan, dep habarlaıdy QazAqparat tilshisi.

Oblystyq jedel járdem stantsııasynyń dırektory Aılarbek Shyrshyqbaevtyń málimetinshe, áýe kemesi Beıneýden Aqtaýǵa bet alǵan. Ony medıtsınalyq kómek kórsetý úshin Aqtaýǵa jetkizý kerek boldy.

«Beıneý aýdanynyń 1972 jyly týǵan turǵynyna jedel mıokard ınfarktisi dıagnozy qoıylǵan. Bort naýqaspen Aqtaý halyqaralyq áýejaıyna ushyp keldi. Biraq aýa - raıynyń qolaısyzdyǵyna baılanysty olarǵa qonýǵa ruqsat berilmedi», - dedi Aılarbek Shyrshyqbaev.

Stantsııa basshysynyń aıtýynsha, ushqysh áýejaı mańyndaǵy dalaǵa qonbaq bolǵan. Osylaısha ol áıeldiń ómirin saqtap qalǵanyn atap ótti. Naýqas Mańǵystaý oblystyq aýrýhanasyna avtokólikpen jetkizildi. Qazir dárigerler onyń jaǵdaıyn qanaǵattanarlyq dep baǵalap otyr.

26 shildede kýágerler Mańǵystaý oblysyndaǵy shańdy daýyldyń saldarynan ushaqtyń qonǵany týraly vıdeo jarııalady.


Avtor Qarakóz Marat
Basty sózder: Mańǵystaý oblysy, Oqıǵa,
Joǵary qaraı