Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shardara aýdanynda jańadan otaý qurǵan jas jubaılar daýys berdi

2021 jyldyń 25 shilde 2021 13:37

TÚRKІSTAN. QazAqparat - Túrkistan oblysy, Shardara aýdanynyń Jaýshyqum aýyldyq okrýgindegi jańadan otaý qurǵan jas jubaılar daýys berdi.

Qojantaı Erjan men Aıtbaı Ásel №860 saılaý ýchaskesine birge kelip, óz aýylynyń bolashaǵy úshin tańdaýlaryn jasady, dep habarlaıdy QazAqparat tilshisi.

Aıta keteıik, jańadan otaý tikken azamat jeke kásippen aınalysady. Al, jubaıy balabaqshada qyzmet etedi. Atalǵan aýyldyq okrýgte 2452 turǵyn bolsa, onyń 1274-i daýys berý quqyǵyna ıe. Sonymen qatar Kentaý qalasyna qarasty Qarnaq aýylynyń turǵyny Sevara Toımetova da búgin eń jas saılaýshy retinde daýys berdi. 2003 jyly týǵan boıjetken №58-saılaý ýchaskesine baryp, alǵash ret óz tańdaýyn jasady.

«Aýylymyzda eńbekqor, bilimdi azamattar kóp. Búgingi saılaýda sondaı azamat aýyl ákimi bolady dep oılaımyn. Ózim de sondaı azamatqa daýys berdim. Saılanǵan ákim aýylymyzdyń damýyna belsene atsalysady dep oılaımyn», - deıdi S.Toımetova.

Oqýdy úzdik aıaqtaǵan ol bıyl Almaty qalasyndaǵy Abaı atyndaǵy pedagogıkalyq ýnıversıtetine «Alǵashqy áserı daıyndyq» páni boıynsha oqýǵa túsken.





Joǵary qaraı