Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shardara sý qoımasyna keletin sý kólemi 2,5 ese ulǵaıdy – mınıstr

2022 jyldyń 24 mamyr 2022 10:23

NUR-SULTAN. QazAqparat – Bıyl Shardaraǵa 5 mlrd tekshe metr sý jınaýǵa múmkindik bar. QR Ekologııa, geologııa jáne tabıǵı resýrstar mınıstri Serikqalı Brekeshevtiń aıtýynsha, buǵan byltyr qarasha aıynan bastap qolǵa alynǵan sharalar men qolaıly klımattyq jaǵdaı múmkindik týǵyzy tur, dep habarlaıdy QazAqparat tilshisi.

«Shardara sý qoımasyna vegetatsııa kezeńindegi aǵyn 3,9 mlrd tekshe metrdi quraýǵa tıis. Bul vegetatsııa kezeńin shyǵynsyz ótýge múmkindik beredi. Shý jáne Talas ózenderiniń basseınin sýmen qamtamasyz etý boıynsha jaǵdaı turaqty. Shý-Talas sý sharýshylyǵy komıssııasynyń HHH otyrysynda memlektaralyq kanaldar boıynsha Talas ózeniniń basseıni arqyly 500 mln, Shý ózeniniń basseıni arqyly 220 mln tekshe metr sý berý kestesine qol qoıyldy. Sondaı-aq, gıdrologııalyq boljamdardyń negizinde Syrdarııa transshekaralyq ózeniniń basseıninde kúrdeli sý sharýashylyǵy jaǵdaıy túzilgen. Biraq qabyldanǵan is-sharalar jáne qolaıly klımattyq jaǵdaıdyń arqasynda ahýal turaqtandy. Osylaısha Shardara sý qoımasyna keletin sý kólemi 2,5 ese ulǵaıdy», - dedi mınıstr Úkimet otyrysynda.

Onyń sózine qaraǵanda, bul Sharadara sý qoımasynyń 5 mlrd tekshe metrge deıin toltyrýǵa jáne osy kezde Kóksaraı qarymta rettegishine 822 mln tekshe metrge deıin sý jınaýǵa múmkindik bergen.

«Atalǵan kezeńde Shardara sý qoımasyna shamamen 1,5 mlrd tekshe metr sý kelip tústi. Osylaısha vegetatsııanyń bastalar aldynda Syrdarııa ózeniniń arnasyn toltyrý, sýarmaly alqaptardy ylǵaldandyrý, kól júıeleri men shabyndyq jerlerdi sýlandyrý júzege asty», - dedi Serikqalı Brekeshev.

Aıta keteıik, ótken aıdyń basynda Shardara sý qoımasynda móńke jáne sazan balyqtar qyrylyp jatqany týraly habar taraǵan edi.


Joǵary qaraı