Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shardarada 6 brakoner qoryqshylarǵa qarsylyq kórsetken, biri aýrýhanaǵa tústi

2021 jyldyń 12 maýsym 2021 22:11

JETІSAI. QazAqparat – Túrkistan oblysynda qoryqshylarǵa qarsylyq kórsetip, olardyń birin jaraqattaǵan 6 brakoner ustaldy. Bul týraly aımaqtyń Polıtsııa departamentinen málim etti, dep habarlaıdy QazAqparat.

«Jetisaı aýdandyq polıtsııa bóliminiń kezekshi bólimine Jetisaı aýdandyq aýrýhanasynan dene jaraqaty bar er adamnyń jetkizilgeni týraly habarlama kelip tústi.

Oqıǵa ornyna Jetisaı polıtsııasynyń jedel-tergeý tobynyń qyzmetkerleri shuǵyl shyqty.

Tekserý barysynda Shardara sý qoımasynda balyq aýlaýmen aınalysqan brakonerlerdi ustaý kezinde jekemenshik qoryqshylyq qyzmetinde jumys isteıtin qyzmetkerdiń biri dene jaraqatyn alǵany anyqtaldy», - dedi vedomstvodan.

Oqıǵa Shardarada oryn alǵandyqtan, atalǵan jaıt Shardara aýdandyq polıtsııa bóliminiń Sotqa deıingi tergep-tekserý tizilimine tirkeýge alyndy.

«Eki táýlik boıy aýdandyq polıtsııanyń jedel toby brakonerlerdiń jeke basyn anyqtaý boıynsha barlyq qajetti is-sharalardy júrgizdi. Nátıjesinde polıtseıler qoryqshylarǵa qarsylyq kórsetýge qatysy bar degen kúdikpen kórshi Maqtaaral aýdanynan 120 shaqyrym jerden jergilikti 6 turǵyndy ustady.

Kúdiktilerge qatysty QR QK-niń 380-baby «Bılik ókiline qatysty kúsh qoldaný« boıynsha sotqa deıingi tergeý amaldary júrgizilýde. Tergeý oqıǵanyń tolyq mán-jaıyn anyqtaıdy», - dep tolyqtyrdy oblystyq PD-nyń baspasóz qyzmetinen.


Joǵary qaraı