Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shardaralyqtar Mańǵystaýǵa 300 tonnaǵa jýyq mal azyǵyn jóneltti

2021 jyldyń 23 shilde 2021 03:00

ShARDARA. QazAqparat - Shardaralyqtar Mańǵystaýǵa 300 tonna jemshóp jiberdi, dep habarlaıdy QazAqparat óńirlik kommýnıkatsııalar qyzmetine silteme jasap.

Bıyl aýa raıynyń qolaısyzdyǵynan jaýyn-shashyn az túsip, qýanshylyqtan zardap shegip otyrǵan batys óńirine shardarlyqtar 300 tonnaǵa jýyq mal azyǵyn jóneltip, járdem kórsetti.

Shardara aýdanynda 5 500-den astam sharýa jáne fermerlik qojalyqtar, óndiristik kooperatıvter, jaýapkershiligi shekteýli seriktestikter aýyl sharýashylyǵy óndirisimen aınalysady.

Bıyl aýdanda 59 300 gektar jerge aýyl sharýashylyǵy daqyldary egilgen.

Onyń ishinde 21 959 gektar jerge eski jáne jańa jońyshqa egilip, dala shóbi jáne sabandy qosqanda 207 myń tonnaǵa jýyq mal azyǵy daıyndalǵan.

Aýdanda 56 892 bas iri qara mal, 14 671 bas jylqy, 3 160 bas túıe, 256 100 ýaq mal bar.

Atalǵan mal basyna qajetti mal azyǵy (jońyshqa, tabıǵı shóp, saban) - 176 900 tonna.

Al, bıyl 59 300 ga sýarmaly egistik alqabyna aýyl sharýashylyǵy daqyldary egilse, onyń 50 paıyzdan astamy mal azyǵyna baǵyttalǵan.

Sondaı-aq, 21 959 gektar jońyshqadan 241 550 tonna ónim alý josparlanyp otyr.


Joǵary qaraı