Sharm-El-Sheıh – Nur-Sultan reısimen kelgen bes jolaýshydan koronavırýs anyqtaldy
NUR-SULTAN. QazAqparat - 2021 jyldyń 1 naýryzynda Qazaqstanǵa BAÁ, Maldıv Respýblıkasy, Túrkııa, Belarýs, Reseı, Ózbekstan jáne Qyrǵyzstannan 13 halyqaralyq áýe reısi keldi.
Ondaǵy 2 091 áýe jolaýshynyń ishinde PTR-testileýdiń teris nátıjesi bar anyqtamamen 1 892 adam, anyqtamasyz 199 QR azamaty keldi, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Onyń ishinde:
Almaty qalasynyń áýejaıyna – 7 reıs, 1 371 jolaýshy, anyqtamamen – 1 182, anyqtamasyz - 189;
Nur-Sultan qalasynyń áýejaıyna – 4 reıs, 476 jolaýshy, anyqtamamen - 468; anyqtamasyz - 8.
Aqtaý qalasynyń áýejaıyna – 1 reıs, 142 jolaýshy, anyqtamamen - 140; anyqtamasyz - 2.
Oral qalasynyń áýejaıyna – 1 reıs, barlyq 102 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2021 jyldyń 28 aqpanynda shetelden anyqtamasyz kelgen Qazaqstan azamattarynyń PTR taldaýlarynyń nátıjesi boıynsha anyqtamasyz kelgen 729 QR azamatynyń PTR-taldaý nátıjeleri boıynsha Kıev – Almaty reısimen kelgen tórt jolaýshydan jáne Sharm-El-Sheıh – Nur-Sultan reısimen kelgen bir jolaýshydan koronavırýs ınfektsııasy anyqtaldy.
