Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sharýalarǵa janarmaıdy tikeleı jetkizetin júıe jyl sońyna deıin iske qosylady

2022 jyldyń 11 mamyr 2022 12:55

NUR-SULTAN. QazAqparat – QR Energetıka vıtse-mınıstri Áset Maǵaýov sharýalarǵa baǵasy jeńildetilgen janarmaıdy tikeleı taratatyn elektrondy-aqparattyq júıeni jyl aıaǵyna deıin iske qosý josparlanyp otyrǵanyn aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide BAQ ókilderi vıtse-mınıstrden kópten beri aıtylyp júrgen elektrondy-aqparattyq júıeniń qashan iske qosylatynyn surady.

«Bul bastama byltyr jyl ortasynan beri talqylanyp keledi. Qazir Aýyl sharýashylyǵy mınıstrligimen birge atalǵan derekter bazasyn qalyptastyrý týraly sheshimdi maquldadyq. Bul júıe dızel óndirýshiler men aýyl sharýashylyǵy taýaryn óndirýshiler arasynda tikelleı saýda kelisimin jasaýǵa múmkindik beredi. Ol júıeni qalyptastyrý jumystaryn bıyl jeltoqsanǵa deıin aıaqtaımyz dep keliskenbiz», - dedi Áset Maǵaýov.

Atalǵan sharada mınıstrdiń orynbasary munaı óńdeý zaýyttary egiske qajet dızeldiń bir lıtrin 176 teńgeden satatynyn aıtqan bolatyn.


Joǵary qaraı