Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sharýalarmen kezdesip, sýbsıdııalaý júıesin reformalaýdy talqylaımyz – Úkimet basshysy

2022 jyldyń 14 mamyr 2022 17:16

NUR-SULTAN. QazAqparat – Aqtóbe oblysyna jumys sapary barysynda aýyl sharýashylyǵy qurylymdarynyń basshylarymen kezdesken Premer-Mınıstr agroónerkásiptik keshendi damytý máseleleri týraly pikir almasty, dep habarlaıdy QazAqparat Úkimettiń resmı saıtyna silteme jasap.

Premer-Mınıstr Hromtaý aýdanynda «AKMEZ» JShS maı ekstraktsııalyq zaýytynda boldy. Kásiporyn jylyna 21 myń tonna shıki ósimdik maıyn jáne 26 myń tonna kúnjara shyǵarady. Zaýyt ónimi ishki naryqta suranysqa ıe, sondaı-aq Qytaıǵa, Reseıge, Ózbekstanǵa jáne Tájikstanǵa jetkiziledi.

Álıhan Smaıylov aýyl sharýashylyǵynda ınvestıtsııalyq jobalardy iske qosý - elimizdiń azyq-túlik qaýipsizdigin qamtamasyz etý jolyndaǵy basty mindet ekenin atap ótti.

Búgingi tańda Úkimet sharýalardy keshendi túrde qoldaý sharalaryn iske asyryp otyr. Atap aıtqanda, ınvestıtsııalyq shyǵyndardy sýbsıdııalaý, sondaı-aq aınalym qarajatyn tolyqtyrýǵa arnalǵan kredıtter boıynsha paıyzdyq mólsherlemeler jáne qaıta óńdeýge arnalǵan jabdyqtar lızıngi qarastyrylǵan.

«Osyndaı qoldaýdyń jáne klımat erekshelikteriniń arqasynda Aqtóbe oblysynda mal sharýashylyǵy, onyń ishinde sút ónimderi óndirisi qarqyndy damyp keledi. Oblys turǵyndaryn jergilikti ónimmen qamtamasyz etý jáne ony basqa óńirlerge jetkizýdi uıymdastyrý maqsatynda atalǵan jumysty jalǵastyrǵan jón. Bul ımportqa táýeldilikti azaıtýǵa jáne ishki naryqtaǵy baǵany turaqtandyrýǵa jol ashady»

, - dedi Úkimet basshysy.

Kásiporynda Premer-Mınıstr birqatar aýyl sharýashylyǵy qurylymdarynyń basshylarymen kezdesip, agroónerkásiptik keshendi damytýdyń problemalyq máselelerine talqylady. Atap aıtqanda, fermerlerdi memlekettik qoldaý, sýbsıdııalaý, aýyl sharýashylyǵy maqsatyndaǵy jerlerdi bólý, mal sharýashylyǵyn damytý máseleleri qyzyqtyrdy.

«Osy jyldyń sońyna deıin biz sharýalarmen birqatar kezdesý ótkizip, sýbsıdııalaý júıesin reformalaý máselelerin talqylaımyz. Tıisti qujat bes jyl merzimge qabyldanady. Jalpy, Úkimet aýyl sharýashylyǵy salasyn qoldaý sharalaryn keńeıtip jatyr. Bıyl biz bıýdjetti eki ese arttyrý múmkindigin qarastyrdyq. Bul - azyq-túlik qaýipsizdigin qamtamasyz etý, ishki óndiristi qoldaý jáne ınflıatsııany tejeý máselelerine baılanysty»

, - dep atap ótti Álıhan Smaıylov.

Eske salsaq, QR Premer-Mınıstri Álıhan Smaıylov Aqtóbe oblysyna jumys sapary barysynda óńirdiń keshendi áleýmettik-ekonomıkalyq damýy jóninde keńes ótkizdi.

Birqatar mańyzdy ınfraqurylymdyq jáne óndiristik nysandardy aralady.

«Aqtóbe-Ulǵaısyn» avtojolyn qarjylandyrý tetikterin anyqtaýdy tapsyrdy.



Joǵary qaraı