Shaıbaly hokkeıden álem chempıonatynda Qazaqstan Danııamen oınaıdy

NUR-SULTAN. QazAqparat - Búgin shaıbaly hokkeıden álem chempıonatynda top-dıvızıonda Qazaqstan quramasy alǵashqy oıynyn ótkizedi, dep habarlaıdy QazAqparat tilshisi.

Dúbirli dodada qazaqstandyq hokkeıshiler A tobynda synǵa túsedi. Qarsylastary - Kanada, Slovakııa, Germanııa, Danııa, Shveıtsarııa, Italııa jáne Frantsııa.

El quramasy búgin, 14 mamyrda alǵashqy oıynyn Danııaǵa qarsy ótkizedi.

Kezdesýdi elorda ýaqytymen 15:10-dp «Qazsport» telearnasy tikeleı efırde kórsetedi.

Al, V tobynda Fınlıandııa, AQSh, Chehııa, Shvetsııa, Latvııa, Norvegııa, Ulybrıtanııa jáne Avstrııa sheberlik baıqasady.

13 mamyrda quramalar alǵashqy kezdesýin ótkizdi.

Oıyn nátıjeleri mynadaı:

A toby

Frantsııa - Slovakııa 2:4

Germanııa - Kanada 3:5

V toby

AQSh - Latvııa 4:1

Bıyl jahandyq doda 85-márte jalaýyn kóterdi.

Álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótkiziledi.

Eske salsaq, budan buryn álem chempıonatynda synǵa túsetin Qazaqstan quramasynyń hokkeıshileri anyqtaldy.