Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shaıbaly hokkeıden álem chempıonatynda jartylaı fınalǵa shyqqan quramalar anyqtaldy

2022 jyldyń 27 mamyr 2022 02:30

NUR-SULTAN. QazAqparat - Shaıbaly hokkeıden álem chempıonatynda jartylaı fınalǵa shyqqan quramalar anyqtaldy, dep habarlaıdy QazAqparat tilshisi.

26 mamyrda shırek fınal oıyndary ótti. Jarystyń atalǵan satysynda Chehııa Germanııany 4:1 eesbimen tize búktirse, Kanada overtaımda Shvetsııadan 4:3 esebimen basym tústi.

Odan keıin Fınlıandııa Slovakııany 4:2 esebimen súrindirse, AQSh Shveıtsarııany 3:0 esebimen jeńdi.

Osylaısha Chehııa, Kanada, Fınlıandııa, AQSh jartylaı fınalǵa shyqty.

Jartylaı fınalda Fınlıandııa men AQSh, Kanada men Chehııa synǵa túsedi..

Endi jartylaı fınal 28 mamyrda bolady. Fınal 29 mamyrǵa belgilengen.

Aıta ketsek, álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótedi.

Eske salsaq, bıyl Qazaqstan quramasy álem chempıonaty top-dıvızıonda A tobynda jetinshi oryn alyp, úzdikter qataryndaǵy ornyn saqtap qaldy.

Álem chempıonatynda Italııa men Ulybrıtanııa birinshi dıvızıonǵa tústi. Olardyń ornyn 2023 jyly Vengrııa men Slovenııa quramalary basty.


Avtor Ádiljan Úmbet
Basty sózder: Sport, Hokkeı,
Joǵary qaraı