Shekara mańyndaǵy Dostyq jáne Altynkól temirjol stantsııalarynyń basshylary qyzmetinen bosatyldy
NUR-SULTAN. QazAqparat - QR Qarjy mınıstri Erulan Jamaýbaev pen «QTJ» UK» AQ Basqarma Tóraǵasy Nurlan Saýranbaev «KTZE-Khorgos Gateway» qurlyq portynyń, «Nur joly» jáne «Altynkól» ótkizý pýnktteriniń jumysyn tekserdi, dep habarlaıdy QazAqparat «Qazaqstan temir joly «UK«AQ baspasóz qyzmetine silteme jasap.
Jumys sapary barysynda syrtqy ekonomıkalyq qyzmet qatysýshylarymen kezdesý ótkizilip, onda qazaqstandyq-qytaılyq shekaradaǵy bıznes júrgizýdiń ashyqtyǵyn arttyrý máseleleri talqylandy.
Sapar qorytyndysy boıynsha Dostyq jáne Altynkól shekara mańydaǵy temirjol stantsııalarynyń basshylary óz qyzmetterinen bosatyldy.
Esterińizge sala keteıik, QR Prezıdenti Qasym-Jomart Toqaev kedendik shekarada keshendi tekserý júrgizýdi jáne tártipti qamtamasyz etýdi tapsyrǵan bolatyn.
