Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Shekara jabylýyna baılanysty shetelde qalǵan «bolashaqtyqtarǵa» 66,4 mln teńge shákirtaqy tólendi

2020 jyldyń 1 shilde 2020 15:31

NUR-SULTAN. QazAqparat - «Bolashaq» baǵdarlamasymen oqýyn aıaqtaǵanymen shekara jabylyp, áýe qatynastarynyń toqtatylýyna baılanysty shetelde qalýǵa májbúr bolǵan 84 stıpendıatqa 66,4 mln teńge mólsherinde shákirtaqy tólendi. Bul jaıynda «Halyqaralyq baǵdarlamalar ortalyǵy» AQ baspasóz qyzmetinen málim etti, dep habarlaıdy QazAqparat tilshisi.

Ortalyq málimetinshe, atalǵan stıpendıattardyń 45-i qazirgi ýaqytta elge keldi. Al qalǵan 39 adam jaqyn arada oralatyn bolady. Sonymen qatar, SOVID-19 indeti kezinde Qazaqstanǵa kelip alǵan 147 stıpendıat elimizde qashyqtan bilim alýyn jalǵastyryp jatyr. Olarǵa 192,8 mln teńge mólsherinde shákirtaqy tólenip, 20,5 mln teńge mólsherinde oqý elinen Qazaqstanǵa deıingi áýe bıletteri alyndy.

Qazirgi tańda «Bolashaq» baǵdarlamasynyń 592 stıpendıaty shetelde bilim alýda.

Aıta keteıik, 2020 jylǵy 28 naýryzda «Bolashaq» halyqaralyq stıpendııasy boıynsha shyǵystar normalaryn, oqýǵa jáne taǵylymdamadan ótýge úlgilik sharttardy bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 13 sáýirdegi № 163 buıryǵyna ózgerister engizildi.


Joǵary qaraı