Aýa raıy
Astana -22 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Shekarada 66,3 mln teńgeniń medıtsınalyq jabdyqtary tıelgen kólikter ustaldy

2020 jyldyń 1 jeltoqsan 2020 11:19

NUR-SULTAN. QazAqparat – Ótken bir aptada Qazaqstan aýmaǵynan shetelge ótkizilmek bolǵan jalpy quny 66,3 mln teńge bolatyn dári-dármekter men medıtsınalyq quraldar tárkilendi. Sondaı-aq shekarada Reseıde urlanǵan kólik ustaldy. QazAqparat bul týraly QR Ulttyq qaýipsizdik komıtetine silteme jasap habarlaıdy.

Atap aıtqanda, 23 qarashada QR UQK ShQ Batys Qazaqstan oblysy boıynsha departamenti «Syrym» avtomobıl ótkizý pýnktinde jalpy somasy 1 550 000 teńgege 3 100 dana medıtsınalyq qorǵanysh kostıýmderin shyǵarýdyń jolyn kesken.

24 qarashada Qostanaı oblysynda «Qaıraq» avtomobıl ótkizý pýnktinde Reseıdiń «AVTO-TEK» Jaýapkershiligi shekteýli qoǵamdastyǵyna tıesili mashına ustaldy. Kólikte jalpy somasy 7 750 000 teńgege 600 dana obaǵa qarsy kostıýmder poshta júkteriniń astyna jasyrylǵany anyqtaldy.

Budan bólek, 28 qarashada Reseı Federatsııasynda urlanǵan «DATSUN ON-DO» markaly kólik Batys Qazaqstan oblysyndaǵy «Syrym» ótkizý pýnktinde ustaldy. Avtomobıl QR azamatynyń basqarýyndaǵy «GAZel» evakýatorlyq kóliginde bolǵan.

29 qarashada Qostanaı oblysy aýmaǵyndaǵy «Aıat» ótkizý pýnktinde «Almaty-Chelıabi» baǵytyndaǵy «GAZel» avtokóligin tekserý barysynda ártúrli ataýdaǵy dári-dármekter salynǵan qoraptar (91 ataý), qorǵanysh maskalar (2640 dana) jáne jalpy salmaǵy 1 myń kelige jýyq medıtsınalyq qolǵaptar (1700 dana) tabyldy.

Zańsyz júk jabdyqtar salynǵan jáshikterdiń artyna jasyrylǵan. Taýarlardyń quny shamamen 45 mln teńgeni quraıdy.

Sondaı-aq 30 qarashada «Syrym» ótkizý pýnktinde (Batys Qazaqstan oblysy) 12 mln teńge somasyna 800 dana pýlsoksımetrler tabylyp, ustaldy. QR azamaty júkti elden shyǵarýǵa tyrysqan.

Ustalǵan kólik pen júkter ýákiletti memlekettik organdardyń qyzmetkerlerine berildi.











Joǵary qaraı