Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Shekaradaǵy júk kólikteri endi tolyqtaı elektrondy kezekke qoıylady

2020 jyldyń 17 qazan 2020 06:10

TALDYQORǴAN. QazAqparat - Almaty oblysyndaǵy «Nur joly» keden beketinde júk kólikter endi tolyqtaı elektrondy kezekke qoıylady, - dep habarlaıdy QazAqparat tilshisi.

Jyl basynan beri Panfılov aýdanyndaǵy «Nur joly» beketinde júk kólikteriniń keptelisi azaıar emes. Oǵan sebep buǵan deıin habarlaǵanymyzdaı Qytaı tarapy bizden baratyn júk kólikterin qabyldaý sanyn shekteýine baılanysty. Ári ketse kúnine 50 shaqty júk kólikterin qatań sanıtarlyq talaptarmen qabyldap jatqan Qytaı elimen buǵan deıin de bul másele talqylanǵan. Alaıda pandemııa barlyǵyna kedergi keltirýde. Qazirgi ýaqytta júk kólikteri jol boıynde emes, «Qurǵaq port» aımaǵynda arnaıy turaqtarda tur. Kezek tizimi bekitilip, sol boıynsha júk kólikteri birtindep ótkizilýde.

«Bul másele jyl basynan týyndap keledi. Biz óz tarapymyzdan barlyq múmkindikti jasap jatyrmyz. Sol úshin shtab qurdyq. Júrgizýshilerdiń jaǵdaıyn, kezegin talqylaımyz. Barlyǵyn sheshý úshin jumys júrgizýdemiz. Tizim boıynsha jasalǵan osy kezek aıaqtalýǵa jaqyn. Sosyn kezek arnaıy saıt arqyly elektrondy kezekpen júredi. Kezekten qalyp qalǵan, qujaty durys bolmaı qalǵan júk kólikterin negizgi kezek bitkesin olardy kezekke qoıyp, ótkizýge kómek jasaımyz,- dedi Panfılov aýdanynyń ákimi Talǵat Ómirálıev.

Qazirgi ýaqytta 400-den astam júk kóligi kezegin kútip tur. Endigi kezek gocargo.kz saıty arqy júrgiziledi. Bul kezekpen «Euro Transit« JShS aınalysatyn bolady. Júrgizýshiler kezegin onlaın túrde qashan kiretinine deıin baqylap otyratyn bolady,- degen aýdan basshysy keńeıtilgen shtab otyrysynda Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń birinshi orynbasary Jandos Jumabaevqa júrgizýshiler shaǵymy negizinde tekseris jumystaryn júrgizýdi usyndy.

Joǵary qaraı