Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shekaradan esirtki alyp ótpek bolǵan ózbekstandyq ustaldy

2022 jyldyń 14 mamyr 2022 20:23

NUR-SULTAN. QazAqparat – Túrkistan oblysy Saryaǵash aýdandyq polıtsııa bóliminiń qyzmetkerleri «Jibek joly» shekarasynyń baqylap-ótkizý beketinen esirtki alyp ótpek bolǵan Ózbekstan Respýblıkasynyń azamatyn ustady, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Ózbekstan turǵyny «Daewoo Nexia» markaly avtokóligimen Qazaqstan Respýblıkasynyń aýmaǵyna óterde «Djaıma» atty qyzmettik ıt seziktenip, belgi beredi. Saqshylar birden tekserý jumystaryn júrgizedi. Nátıjesinde kúdiktiniń jazǵy aıaq kıiminen polıetılen paketke salynǵan esirtkige uqsas zat tabyldy.

Polıtsııa qyzmetkerleri aıǵaqty tárkilep, QR QK-niń 286-baby 1-bóligi «Aınalystan alyp qoıylǵan zattardyń nemese aınalysy shektelgen zattardyń kontrabandasy» boıynsha tirkedi. Saraptama taǵaıyndaldy.

Zertteý qorytyndysymen sheteldikten alynǵan zattyń «gashısh» esirtkisi ekeni anyqtaldy. Qazirgi tańda kúdikti qamaýda, sotqa deıingi tergeý amaldary júrip jatyr.

Aıta ketsek, elordada esirtki aınalymyna qatysty 17 qylmystyq is sotqa jiberildi.



Joǵary qaraı