Aýa raıy
Astana 30 °S
Almaty 30 °S
valıýta baǵamy
USD 412.55
EUR 468.66
RUB 5.79
CNY 58.80

Shekteý: Túrkııaǵa qazaqstandyqtardan kimder erkin kire alady

2020 jyldyń 4 shilde 2020 12:04

NUR-SULTAN. QazAqparat - Búginnen bastap Túrkııa Qazaqstan azamattarynyń kelýine shekteý engizdi. Bul týraly QR Indýstrııa jáne ınfraqurylymdyq damý mınıstrligi Azamattyq avıatsııa komıtetiniń tóraǵasy Talǵat Lastaev aıtty, dep habarlaıdy QazAqparat tilshisi.

«Memlekettik komıssııa sheshimimen erteńnen bastap karantındik rejım engiziledi. Azamattyq avıatsııa salasynda búkil ishki reıster oryndalady. Eshqandaı shekteý joq. Búgingi tańda apta saıyn 45 baǵyt boıynsha 457 reıs oryndalady. Olarǵa eshqandaı shekteý bolmaıdy, jalǵastyra beremiz», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, halyqaralyq baǵytta buǵan deıin ashylǵan Túrkııa men Ońtústik Koreıaǵa ǵana reıster oryndalady.

«Biraq, keshe biz Túrkııa tarapynan resmı sheshim aldyq. Búginnen bastap Túrkııa bizdiń azamattarymyzdyń óz eline kirýine shekteý engizedi. Sondyqtan Ońtústik Koreıaǵa ǵana áýe reısteri qalady. Jańa reıster ashylmaıdy», - dedi Talǵat Lastaev.

Komıtet basshysynyń aıtýynsha, Túrkııada ýaqytsha turýǵa jáne jumys isteýge ruqsaty bar Qazaqstan azamattary bul elge esh kedergisiz kire alady.

«Osyǵan baılanysty reıster búgin deıin áýe kompanııalarymyz Túrkııaǵa aparǵan jolaýshylardy alyp kelý úshin oryndalady. Áýe kompanııalary tarapynan barlyq mindettemeler tolyq oryndalady», - dedi ol.


Avtor Marlan Jıembaı
Basty sózder: Týrızm, Kólik, Túrkııa,
Joǵary qaraı