Aýa raıy
Astana 26 °S
Almaty 32 °S
valıýta baǵamy
USD 412.55
EUR 468.66
RUB 5.79
CNY 58.80

Sheshim búkil oqý jyly boıy kúshinde bolady – mınıstr mektep formasynyń mindettelmeýi jaıly

2020 jyldyń 11 shilde 2020 16:08

NUR-SULTAN. QazAqparat – Bilim jáne ǵylym mınıstri Ashat Aımaǵambetov mektep formasyn oqýshylarǵa mindettemeý týraly sheshimge ne sebep bolǵanyn túsindirdi, mektep formasynyń mindettelmeýi jaıly.

«Eger biz dál qazirgi ýaqytta bul sheshimdi qabyldasaq, ata-analardyń ekonomıkalyq jaǵdaıyn da eskerip otyrmyz. Qazir ata-analardyń birazy ekonomıkalyq qıyndyqty ótkerip jatqanyn aıtqandyqtan, mektep formasy qaltasyna salmaq bolyp túsetindikten, biz dál osy bıylǵy oqý jylynda osyndaı sheshimdi qabyldadyq. Ýákiletti organ retinde bıylǵy oqý jylynda mektep formasyn kııý mindettelmeıtinin jarııa etsek, ıaǵnı mınıstr retinde osy jaýapkershilikti óz moınyma alar bolsam, onda bıylǵy oqý jyly – dástúrli bolsa da, qashyqtan bolsa da bul sheshim kúshinde bolady», - dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.

Mınıstrdiń aıtýyna qaraǵanda eger bıylǵy oqý jylynyń basynda nemese ortasynda mektep oqýshylary dástúrli oqý sıpatyna oralsa, muǵalimder báribir de balalardan mektep formasyn kııýdi mindetteı almaıtynyn jetkizdi.

«Bul sheshim búkil oqý jyly boıy kúshinde bolady. Al eger oqýshylardyń keıbirinde mektep formasy bolsa, onda kııýine marhabat», - dedi ol.

Eske sala ketsek Ashat Aımaǵambetov Qazaqstanda aldaǵy oqý jylynda oqýshylarǵa mektep formasyn kııý mindettelmeıtinin habarlaǵan edi.



Joǵary qaraı