Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shetel kompanııasy Qazaqstan kásiporyndaryna 248 mln dollar bóledi – Bolat Aqsholaqov

2022 jyldyń 3 mamyr 2022 11:42

NUR-SULTAN. QazAqparat – Energetıka salasynda jer qoınaýyn paıdalanýshylardyń satyp alý konkýrstarynyń 75 paıyzy 3 iri operatorǵa tıesili. Bul týraly elordada «Halyqtyń tabysyn arttyrýdyń 2025 jylǵa deıingi baǵdarlamasy» keshendi josparyna arnalǵan jıynda Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«2021 jyldyń qorytyndysy boıynsha energetıka sektoryndaǵy jer qoınaýyn paıdalanýshylardyń taýarlaryn, jumystary men kórsetiletin qyzmetterin satyp alýdyń jalpy kólemi 4,69 trln teńgeni qurady. Jergilikti qamtý úlesiniń ortasha salalyq kórsetkishi - 2,9 trln teńge, ıaǵnı 61,8%. Onyń ishinde taýarlar - 24,3%, jumystar - 76,4%, kórsetiletin qyzmetter - 53,6%. Jalpy, satyp alý kóleminiń shamamen 75%-y 3 iri operatorǵa – Teńizshevroıl, Qarashyǵanaq Petroleým Opereıtıng jáne Nort Kaspıan Opereıtıngke tıesili. Sondaı-aq taǵy 13%-y «Samuryq-Qazyna» qorynyń kompanııalar tobyna jáne 12%-y qalǵan jer qoınaýyn paıdalanýshylarǵa tıesili», - dedi B. Aqsholoqov.

Onyń aıtýynsha, taýarlardaǵy jergilikti qamtý úlesin ulǵaıtýǵa múmkindik bar. Ol úshin mınıstrlik eki bastamany qolǵa aldy.

«Birinshiden, Munaı-gaz mashınasyn jasaýdy damytýdyń halyqaralyq ortalyǵy quryldy, ol 3 iri operatordyń qajettiligi úshin jergilikti taýarlardy damytý boıynsha jumys júrgizip jatyr. Ekinshiden, «Shevron» kompanııasy óziniń respýblıka aldyndaǵy qaıta ınvestıtsııalaý mindettemeleri aıasynda Qazaqstannyń kiristi kásiporyndaryna 248,5 mln AQSh dollaryn bólýdi qarastyryp otyr», - dedi mınıstr.

Budan buryn habarlanǵandaı, Úkimet Halyqtyń tabysyn arttyrý baǵdarlamasyn ázirledi.

Qabyldanǵan bul baǵdarlama aıasynda 2 mln jumys orny ashylady.


Joǵary qaraı