Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shetelden ákelingen kólikti nege senimhatpen satyp alýǵa bolmaıdy

2021 jyldyń 18 qazan 2021 13:17

NUR-SULTAN. QazAqparat – Ákimshilik polıtsııa komıteti tóraǵasynyń orynbasary Serik Túsipov shetelden ákelingen kólikti nege senimhatpen, saqtandyrý qujattary arqyly satyp alýǵa bolmaıtynyn túsindirdi, dep habarlaıdy QazAqparat tilshisi.

«Avtomobıldi senim hat nemese saqtandyrý qujaty arqyly satyp alýdyń da táýekelderi bar. Eger kóliktiń ıesi sheteldik bolsa, kólik salyǵynan jaltarý úshin kez kelgen ýaqytta óz elinde tirkeýden alǵyzyp tastaýy múmkin. Osylaısha Qazaqstandaǵy ıesi táýekelge tap bolady. Jol apaty bolǵan jaǵdaıda saqtandyrý kompanııalary kelgen shyǵyndy aqshalaı óteýden bas tarta alady», - dedi ol vedomstvonyń aqparat alańynda ótken onlaın brıfıngide.

Onyń málimeti boıynsha, qazan aıynan beri elimizdiń 3 qalasynda osyndaı problemasy bar 30 kólik anyqtalǵan.

«Petropavl, Óskemen, Semeı qalalarynda dál osy táýekel boıynsha tekserý júrgizdik. Senimhatpen nemese saqtandyrý qujattary arqyly satylǵan 30-ǵa jýyq kólik bar bolyp shyqty. Túıindesek, senimhatpen nemese saqtandyrý qujattary arqyly kólik satyp alý azamattarymyzdy táýekelge tap keltiredi. Sondyqtan Іshki ister mınıstrligi qazaqstandyqtarǵa sheteldik tirkeýi bar kólik satyp alǵan kezde atalǵan táýekelderdi eskerip, kelisimniń bárin qatań túrde Qazaqstan zańnamasynyń aıasynda rásimdeý qajettigi eskertedi», - dedi Serik Túsipov.


Avtor Esimjan Naqtybaı
Basty sózder: QR ІІM, Zań, Kólik,
Joǵary qaraı