Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Shetelden ushyp kelgen 484 jolaýshyda anyqtama bolmaǵan

2020 jyldyń 7 qazan 2020 17:11

NUR-SULTAN. QazAqparat – Qazaqstanǵa shetelden ushyp kelgen 484 jolaýshyda koronavırýspen aýyrmaıtyny PTR testpen dáleldengen anyqtama bolmaǵan. Bul týraly Ortalyq kommýnıkatsııalar ortalyǵynda ótken onlaın brıfıngide QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.

«6 qazannan bastap Qazaqstanǵa shetelden keletinder koronavırýspen aýyrmaıtyny PTR testpen dáleldengen anyqtama ákelýi kerek degen sheshim qabyldanǵan. Mundaı anyqtamasy joqtar 2 táýlikke karantındik statsıonarǵa jatqyzylady. Birinshi táýlik ishinde Nur-Sultan qalasyna 510 jolaýshy ushyp keldi, onyń 177-i karantınge jatqyzyldy. Almatyǵa ushyp kelgen 1 228 jolaýshynyń 278-y anyqtamasyz kelgen. Olar da karantınge jatqyzyldy. Atyraý qalasyna ushyp kelgen 28 adam karantındik statsıonarǵa jatqyzyldy. Sonymen birinshi táýlik ishinde elimizge 1 912 jolaýshy ushyp kelse, 1428-inde koronavırýspen aýyrmaıtyny týraly anyqtama bolsa, 484 jolaýshyda ondaı anyqtama bolmaǵan», - deıdi QR Densaýlyq saqtaý mınıstrliginiń resmı ókili Baǵdat Qojahmetov.

Onyń aıtýynsha, 483 jolaýshy eki kúndik karantınge jatqyzylǵan. Anyqtamasy joq jolaýshylardyń bireýi konsýl qyzmetiniń ókili bolǵan. Talap boıynsha ol úı jaǵdaıyndaǵy karantınde boldy.


Joǵary qaraı