Shetelden ushyp kelgen jolaýshylardan koronavırýs tabylǵan joq

NUR-SULTAN. QazAqparat - 28 qarashada Qazaqstan Respýblıkasynyń aýmaǵyna Germanııa, Egıpet, BAÁ, Reseı Federatsııasy, Túrkııa, Belarýs Respýblıkasy jáne Ózbekstannan 12 halyqaralyq áýe reısi keldi, dep habarlaıdy QazAqparat.

Kóliktegi sanıtarııalyq-epıdemıologııalyq baqylaý komıtetiniń málimetinshe, 1 337 jolaýshy ishinde PTR testileýdiń teris nátıjesi bar anyqtamamen 1 244 adam, anyqtamasyz - 93 adam kelgen. Onyń bári - QR azamattary.

Onyń ishinde:

- Almaty qalasynyń áýejaıyna - 7 reıs, 820 jolaýshy, anyqtamamen - 813, anyqtamasyz - 7

- Nur-Sultan qalasynyń áýejaıyna - 4 reıs, 448 jolaýshy, anyqtamamen - 387, anyqtamasyz - 61

- Aqtóbe qalasynyń áýejaıyna - 1 reıs, 69 jolaýshy, anyqtamamen - 44, anyqtamasyz – 25.

Anyqtamasyz kelgen Qazaqstan azamattary kelgen jeri boıynsha karantın statsıonaryna ornalastyryldy jáne PTR taldaý ádisimen COVID-19-ǵa testilendi.

Búkil 93 adamnyń test synamasy teris nátıje kórsetti.