Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shilde aıynda astanalyqtardyń koronavırýspen aýrýshańdyǵy 2,4 ese artqan

2021 jyldyń 4 tamyz 2021 17:14

NUR-SULTAN. QazAqparat – Shilde aıynda astanalyqtardyń koronavırýspen aýrýshańdyǵy 2,4 ese ósti. Bul týraly Nur-Sultan qalasynyń bas sanıtarlyq dárigeri Sarhat Beısenova Ortalyq kommýnıkatsııalar qyzmetinde ótip jatqan brıfıngide aıtty, dep habarlaıdy QazAqparat tilshisi.

«Elordada koronavırýs ınfektsııasynyń taralýyna baılanysty jaǵdaı qolaısyz bolyp tur. Anyqtalǵan jaǵdaılar men aýrýhanaǵa jatqyzý sany áli de joǵary. Aldyńǵy aptadaǵy syrqattaný kórsetkishi – 885,3. Anyqtalǵan jaǵdaı sany – 10 521. Al sońǵy aptadaǵy kórsetkish – 875,8. Anyqtalǵan naýqastar sany – 10 408. 10 myń turǵynǵa shaqqanda tósek-orynnyń júktelim kórsetkishi 200-den joǵary boldy. Keshegi kúnnen bastap ınfektsııalyq statsıonarlardyń júktelimi 69 paıyzǵa jetti jáne elorda epıdemıologııalyq jaǵdaıdy baǵalaý matrıtsasy boıynsha «qoıý qyzyl» aımaqtan «qyzyl» aımaqqa aýysty. Bul aımaqta elorda 13 kún boldy», - dedi qalanyń bas sanıtar dárigeri.

Onyń málimetinshe, shilde aıynda aýrýshańdyq deńgeıi mamyr aıyndaǵy kórsetkishten 2,4 ese, maýsym aıyndaǵydan 2,3 ese ósken.

«Shildede pandemııa bastalǵannan beri 100 myń turǵynǵa shaqqandaǵy eń joǵary aptalyq kórsetkish tirkelip, 915,9-ǵa jetti. Jaǵdaılardyń ortasha táýliktik tirkelýi maýsym aıyndaǵy 388-den shilde aıynda 1200-ge deıin ósti. Sońǵy 19 kúnde táýligine 1,5 myńnan astam jaǵdaı tirkeldi. Burynǵydaı syrqattanýdyń eń joǵary deńgeıi 30-39 jas aralyǵyndaǵy eresekter arasynda», - dedi Sarhat Beısenova.


Joǵary qaraı