Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO ákimi jappaı tártipsizdikti toqtatýǵa qatysqan jaýyngerlerdiń saýyǵýyn tiledi

2022 jyldyń 11 qańtar 2022 14:31

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov jappaı tártipsizdikti toqtatýǵa qatysqan jaýyngerlerdiń saýyǵyp ketýin tiledi, dep habarlaıdy QazAqparat tilshisi.

ShQO ákimdiginiń málimetinshe, óńirdegi jappaı tártipsizdik kezinde óz mindetterin oryndaǵan polıtsııa qyzmetkerleri men áskerıler jaraqat aldy.

«5 qańtarda Óskemen qalasynyń ortalyq alańynda narazylyq bastaldy. Polıtsııa qyzmetkerleri áýelde kúsh pen qarý qoldanbaǵan. Alaıda, biraz ýaqyttan keıin bul naqty belgilengen talaptary bar beıbit mıtıng emes ekeni belgili boldy. Narazylyq bildirýshiler bılik ókilderi men quqyq qorǵaý organdary qyzmetkerleriniń kelissózder júrgizý usynystaryn múlde elemedi. Mıtıngige shyqqandardyń arasynda bolǵan arandatýshylar bılik pen kúshtik qurylym qyzmetkerlerine qarsy quqyqqa qarsy áreketterge, oblys ákimdigin basyp alýǵa, avtokólikti qıratýǵa jáne órteýge ıtermeledi. Tártipsizdikterdi toqtatý jáne beıbit turǵyndardy qorǵaý úshin polıtsııa qyzmetkerleri kózden jas aǵyzatyn arnaıy gazdy qoldanýǵa májbúr boldy», - delingen aqparatta.

Alaıda keshke alańǵa jınalǵandar sany arta tústi. ShQO Polıtsııa departamentiniń málimetinshe, Óskemendegi tártipsizdikterge eki myńǵa jýyq adam qatysqan. Olar modýldik polıtsııa beketin órtep, jaqyn mańdaǵy kafeniń terezelerin syndyrdy.

Qaqtyǵys nátıjesinde birneshe áskerı qyzmetker jaraqat alyp, polıtseıler zardap shekti. Óskemen áskerı bóliminiń ekinshi atqyshtar rotasy baqylaýshylar vzvodynyń kishi serjanty tynys alý joldarynyń hımııalyq kúıigin alsa, al polıtsııa qyzmetkerleriniń biri granata synyqtarymen jaralandy. Qazir zardap shekkender emdelýde.

ShQO ákimi Danıal Ahmetov jaraqat alǵan áskerı qyzmetshilerge baryp qaıtty. Óńir basshysy qyzmetkerlerdiń beıbitshilik pen kelisimdi buzýǵa tyrysqandarǵa qarsy tótep berip, Otan aldyndaǵy boryshtaryn ótegen árqaısysyna alǵysyn aıtty. Óz sózinde ol jaýyngerlerdiń tezirek saýyǵyp ketýin tiledi.


Joǵary qaraı