Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

ShQO avtojolynda eki adam qaza taýyp, úsheýi zardap shekti

2019 jyldyń 23 qarasha 2019 11:29

ÓSKEMEN. QazAqparat – «Omby-Maıqapshaǵaı» tasjolynda jol apatynan eki adam qaza taýyp, taǵy úsh adam aýrýhanaǵa tústi, dep habarlaıdy QazAqparat tilshisi.

Shyǵys Qazaqstan oblystyq Polıtsııa departamentiniń málimetinshe, jol-kólik oqıǵasy 22 qarasha kúni saǵat 19.00 shamasynda Kókpekti aýdanynyń mańynda bolǵan.

«QazAvtoJoldyń» aqparatyna sáıkes, «Lada Granta» kóligi asa joǵary jyldamdyqpen kelip, jol boıynda toqtap turǵan «KamAZ»-ǵa soǵylǵan. Júk kóligi apattyq toqtaý týraly «jol belgisin» qoımaǵan.

Saldarynan jeńil kóliktegi jolaýshylardyń biri oqıǵa ornynda kóz jumsa, onyń júrgizýshisi aýrýhanada jan tapsyrdy. Mashınada bolǵan taǵy úsh jolaýshy Kókpekti aýdandyq ortalyq aýrýhanasynda jatyr.

«QR Qylmystyq kodeksiniń 345-baby boıynsha sotqa deıingi tergep-tekserý amaldary júrgizilýde. Saraptamalar taǵaıyndaldy», - dedi polıtsııadan.

Joǵary qaraı