Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 100-den astam adam KSRO-nyń qyzyl pasportymen turyp kelgen

2021 jyldyń 29 shilde 2021 21:01

ÓSKEMEN. QazAqparat – Shyǵys Qazaqstan oblysynda KSRO-nyń qyzyl pasportymen turyp jatqan 100-den astam adam anyqtaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, kóshi-qon qyzmetiniń saqshylary 1974 jylǵy KSRO pasportyn ýaqytynda aýystyrmaǵan turǵyndardy anyqtaý boıynsha birqatar sharalardy qolǵa alǵan.

Jeke bas qujattarynyń bolmaýyna baılanysty olar járdemaqy men zeınetaqy resimdeı almaıdy. Zańdy eńbek etýge de múmkindikteri joq.

«Jyl basynan beri KSRO-nyń qyzyl pasportymen júrgen 100-den astam adam anyqtaldy. Máselen, Abaı aýdanynyń polıtsııa bólimine 52 jastaǵy Semeı qalasynyń týmasy habarlasqan. Ol 1980 jyly Reseı Federatsııasynyń Novosıbırsk qalasyna turaqty turý úshin shyǵyp ketip, sol jerde 1974 jylǵy KSRO pasportyn resimdegen. 1990 jyldyń basynda Qazaqstanǵa oralyp, kúıeýge shyǵyp, bala-shaǵaly bolǵan», - delingen habarlamada.

Qazirgi ýaqytqa deıin áıel adam eski pasportpen turyp kelgen.

Kóshi-qon qyzmetiniń mamandary kórshi memleketten qajetti qujattarǵa suraý saldy. Kóp uzamaı tıisti qujat kelip jetti.

Óz kezeginde áıel adam jeke bas qujatyn resimdeýge kómek kórsetken polıtseılerge alǵysyn jetkizdi.

Endi ol barlyq memlekettik qyzmetterdi basqa qazaqstandyqtarmen birdeı paıdalana alady.


Joǵary qaraı