Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 14 jylqy urlaǵan barymtashylar ustaldy

2021 jyldyń 25 qarasha 2021 15:51

ÓSKEMEN. QazAqparat – Shyǵys Qazaqstan oblysynda 14 jylqy urlaǵan 3 barymtashy ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary «Mal urlyǵy» jedel aldyn alý sharasy barysynda Abaı aýdanyndaǵy qylmystyq topty ustady. 3 er adam aldyn ala sóz baılasyp, jylqy urlaýmen aınalysqan.

«Belgili bolǵandaı, olar 2020 jyldan bastap osy ýaqytqa deıin aýdan turǵyndaryna tıesili 14 jylqyny aıdap áketip, 5 mln teńgeden astam materıaldyq shyǵyn keltirdi. Kúdiktilerdiń biriniń qystaǵyn tekserý kezinde zattaı dáleldemeler – mal terileri men tuıaqtary tabyldy», - delingen habarlamada.




1975, 1981 jáne 1998 jylǵy er adamdarǵa qatysty QR QK-niń 188-baby 1-bóligi 2-tarmaǵyna sáıkes sotqa deıingi tergeý amaldary júrgizilýde. Olar 7 jylǵa deıin bas bostandyqtarynan aıyrylýy múmkin. Qylmystyq toptyń ózge músheleriniń bar-joǵy anyqtalýda.





Joǵary qaraı