Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 150-den astam otbasy baspanaly boldy

2020 jyldyń 1 jeltoqsan 2020 14:23

ÓSKEMEN. QazAqparat – Shyǵys Qazaqstan oblysynda Tuńǵysh Prezıdent kúni atap ótilýde, dep habarlaıdy QazAqparat tilshisi.

ShQO-da mereke qarsańynda birqatar áleýmettik nysan saltanatty túrde ashyldy. Sonymen qatar 150-den astam otbasy qonys toıyn toılady. Aımaq basshysy Danıal Ahmetov Óskemen qalasynda kópbalaly otbasylarǵa, jetim balalarǵa, sondaı-aq kezekte turǵandarǵa 30 jańa páterdiń kiltin tabys etti.

Kýrchatov qalasynda 14 kópbalaly ana jańa páterge ıe boldy. Sondaı-aq Besqaraǵaı aýdanynda áleýmettik osal sanattaǵy 16 otbasy jańa úılerine kóshti. Zaısan aýdanynda 36 kópbalaly otbasy qonys toıyn toılaýda, olar úshin «Shyǵys» baǵdarlamasy aıasynda bir qabatty úıler salynǵan.

Mereke qarsańynda Jarma aýdany Jańǵyztóbe kentiniń turǵyndary da qýanyshqa keneldi. Onda aýyl klýby men demalys saıabaǵy ashyldy. Al Tuńǵysh Prezıdent kúnine oraı Kókpekti aýdanynyń turǵyndary úshin kópten kútken dene shynyqtyrý-saýyqtyrý kesheni ashyldy.

«Budan bólek, óńirde birneshe sport nysany ashyldy. Abaı aýdany Qaraýyl aýylynda hokkeı korty iske qosyldy. Onda balalar tek hokkeı oınap qana qoımaı, konkı tebe alady. Sondaı-aq jaqyn arada paıdalanýǵa berilgen sport mektebi jumys isteı bastaıdy. Aıagóz aýdany Aqtoǵaı kentinde dene shynyqtyrý-saýyqtyrý kesheni paıdalanýǵa berildi. Jarma aýdanynyń Birlik aýylynda jańa sport alańy ashyldy. Ulan aýdany Mamaı Batyr aýylynda jańa kópir paıdalanýǵa berildi», - delingen ShQO Aqparat ortalyǵy taratqan málimette.

Katonqaraǵaı aýdanynda 20 otbasy «Jumyspen qamtý jol kartasy» aıasynda salynǵan úılerdiń kiltterin aldy. Kishinaryn jáne Maıemer aýyldarynda aýyldyq klýbtar, al Úlken Naryn aýylynda Abaı atyndaǵy skver ashyldy.

Sonymen qatar Jarma aýdanynda kezekte turǵan 50 otbasy baspanaly boldy. Al Borodýlıha aýdanynda 4 kópbalaly otbasyǵa úı berildi. Altaı aýdanynda turatyn 6 otbasy «Qoljetimdi baspana» baǵdarlamasy aıasynda salynǵan jańa birqabatty úılerge qonystandy.





Joǵary qaraı