Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 200-ge jýyq avtobýs júrgizýshisi rýlde otyryp telefon paıdalanǵan

2021 jyldyń 12 qazan 2021 05:44

ÓSKEMEN. QazAqparat - Shyǵys Qazaqstan oblysynda rýlde otyryp telefon paıdalanǵan 200-ge jýyq avtobýs júrgizýshisi jaýapqa tartyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Avtobýs» jedel aldyn alý sharasyn júrgizýde.

- Jeti kún ishinde1045 ákimshilik quqyq buzýshylyq tirkeldi. Onyń ishinde kólik shyǵaryndysyndaǵy lastaýshy zattardyń normadan asqany úshin - 94, rýlde otyryp telefon paıdalanǵan - 183, jolaýshylardy jáne júkterdi tasymaldaý erejelerin buzǵan 18 adam jaýapqa tartyldy. Sondaı-aq 180-nen astam qoǵamdyq kólik júrgizýshisi manevr jasaý erejelerin buzsa, 11 adam óz marshrýtynda eńbek jáne demalys rejımin buzyp júrgeni anyqtaldy, - dep habarlady vedomstvo ókilderi.

Máselen, Óskemen qalasynda polıtsııa qyzmetkerleri «DAEWOO» markaly avtobýsty toqtatyp, qujattardy tekserý kezinde 41 jastaǵy júrgizýshiniń osy kólikti basqarýǵa quqyǵy joq ekeni belgili boldy. Quqyq buzýshyǵa qatysty QR ÁQBtK-niń 612-baby 2-bóligine sáıkes ákimshilik hattama toltyryldy.


Joǵary qaraı