Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da 30 qańtarǵa deıin qar kóshkini júrý qaýpi bar

2022 jyldyń 27 qańtar 2022 14:50

ÓSKEMEN. QazAqparat – Shyǵys Qazaqstan oblysynda 30 qańtarǵa deıin qar kóshkini júrý qaýpi bar, dep habarlaıdy QazAqparat tilshisi.

ShQO Tótenshe jaǵdaılar baspasóz qyzmetiniń málimetine súıensek, 27-30 qańtar aralyǵynda óńirde qar kóshkini júrý qaýpi bar.

«Meteorologııalyq jaǵdaıdyń ózgerýine, jıi qar jaýýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyzdar birden «112» nómirine qońyraý shalyńyzdar», - dep habarlady vedomstvo ókilderi.

Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.


Joǵary qaraı