Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 600 myńnan astam adam vaktsına aldy

2021 jyldyń 4 qazan 2021 21:37

ÓSKEMEN. QazAqparat – Shyǵys Qazaqstan oblysynda 600 myńnan astam adam koronavırýsqa qarsy vaktsına aldy, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, el aýmaǵynda vaktsına salyna bastaǵaly beri Shyǵys Qazaqstanǵa 1,5 mln-nan astam doza kelip tústi. Oblystyń keıbir aýdandarynda vaktsınatsııa qarqyndy júrgizilýde. Qazir ekpeniń birinshi komponentin 754 myń adam alsa, eki komponentin 606 myńǵa jýyq turǵyn saldyrǵan.

«Birinshi komponent boıynsha Úrjar aýdany (95,3%), Besqaraǵaı aýdany (94,7%) jáne Aıagóz aýdany (93,6%) kósh bastap tur. Ekinshi komponentte Besqaraǵaı aýdany (86,1%), Abaı aýdany (84,7%), Aıagóz aýdany (80,1%) aldyńǵy qatarda.

Jalpy oblysta búginde vaktsınalardyń úsh túri bar. Olar – Spýtnık V, QazVac jáne Sinopharm, - delingen habarlamada.

Qazirgi ýaqytta vaktsına pýnktterinde birinshi komponenttiń 46,6 myń dozasy, ekinshi komponenttiń 158 myń dozasy bar.


Joǵary qaraı